Isaia 10:27 - ÎVUKU RÎA ÛVORO MWARO

²⁷ Vîndî îo, nîngaamwaûra mûrigo ûrîa Asîria mamwigîrîrîte, na munange îcoki rîrîa mamwigîrîrîte ngingo.”

Isaia 10:27 ပူးပေါင်းရင်းမြစ်များ

2Sam 1:21

“Mbura îrorega kuura kana îme rîgwa irîmarî cia Giliboa. Mîgûnda ya irîma icio îrotûûra îrî mîthaatu vîndî cionthe. Nîûndû kûu nîkuo ngo ya ûrîa ûrarî vinya îraikirue ta kîndû kîmene; Ngo ya Saûlo ndîkaavakwa maguta rîngî.

Thaburi 105:15

Ameera atîrî, “Mûtikavutie andû arîa nyamûrîte, mûtigeke arathi akwa ûndû mûcûku.”

Thaburi 132:10

Nîûndû wa Daudi, ndungata yaku, ndûkarege mûthamaki ûrîa wamûrîte.

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 20:6

Rîu nîmbicî atî Ngai-Mûnene nîavecaga mûthamaki ûrîa athuurîte ûvootani, arî îgûrû kûrîa atûûraga nîacokagia mavoya make, nîamûvotithagia kûvoota nthû ciake cionthe na vinya wake.

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Thaburi 81:6

“Nînaamwaûrire mîrigo îrîa mwakuuîte, nînatûmire mwige nthî mîrigo îrîa mwakuuîte ya matuvarî.

Thaburi 84:9

We Ngai, rathima mûthamaki wetû, îguîra ntha mûthamaki ûrîa ûthuurîte.

Isaia 14:25

Nîngaathiria Asîria arîa marî vûrûrirî wakwa, na nîmakinyangîre irîmarî ciakwa. Nîngaaruta andû akwa ûkomborî wa Asîria, na nîmaûre mûrigo ûrîa mamakuuithîtie.

Isaia 30:23

Rîrîa mûkaavanda mbeû mîgûndarî yenyu, Ngai nîakaaurithia mbura, nacio nîigaakûra na iciare maciaro meengî. Nacio ndîthia cienyu nîikaagîa na kûndû kûnene mûno gwa kûrîthua.

Isaia 37:35

Nîngaagitîra îtûûra rîîrî nîguo nîrîvonokie nîûndû wa gîtîîo gîakwa nie mwene na nîûndû wa ndungata yakwa Daudi.’ ”

Isaia 52:2

Wîrivarive ume rûkûngûrî ûrûgame, îyovore mînyororo yume ngingorî yaku, we mwarî wa Zayuni, we ûtwîre wî mwove.

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Jeremia 30:8

Ngai-Mûnene mwene vinya wonthe arauga atîrî, “Rîrîa îvinda rîu rîgakinya, nîngaunanga îcoki rîrîa rîrî ngingorî na nducange mînyororo yao. Matigatuîka ngombo cia andû ageni rîngî.

Ezek 30:18

Mûthenya ûcio, Tehafinehesi nîûkaagîa nduma rîrîa ngaaunanga ûnene wa Misiri na nthirie vinya wao ûcio metîîaga naguo. Îtu nîrîgaakunîka vûrûri wa Misiri na andû a matûûra ma kuo mavirwe îthamîriorî.

Alawi 7:35

Icunjî icio ciumîte mategarî ma kûvîvua marîa marutîrîtwe Ngai-Mûnene, nîcio ciamûrirwe inengagîrwe Aroni na avîcî ake mûthenya ûrîa maamûrirwe magîtuîka athînjîri-Ngai.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 1:41

Ûndû wa mbere ûrîa Enderea eekire warî kûthiî kûrî mûrwang'ina Simoni na akîmwîra atîrî, “Tue nîtûronire Mesaya.” (Ûguo nîkuga Kristû)

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.