Isaia 10:24 - ÎVUKU RÎA ÛVORO MWARO

²⁴ Kwoguo Mwathani, Ngai-Mûnene mwene vinya wonthe arauga atîrî, “Mue andû akwa arîa mûtûûraga Zayuni, mûtigetigîre andû a Asîria wana mamûriva na njokoma kana mûragi ta ûrîa mwekagwa nî andû a Misiri.

Isaia 10:24 ပူးပေါင်းရင်းမြစ်များ

2Atha 19:6

Isaia nîwamerire atîrî, “Ngai-Mûnene amwîrîte mûtikamake nîûndû wa ûguo mûregua ndungata cia mûthamaki ikînuma.

Ntha 14:9

Na athigari onthe a mbaara a Misiri, na mbarathi cionthe, na ngari cia mbarathi, na atwari a cio nîmarûmîrîre andû a Isiraeli. Nao nîmaamethîre mambîte magema mao rûtererî rwa Îria Îtune vakuvî na Pi Hahirothu mbere ya Baali Zefoni.

Ntha 5:14

Anene a ngombo a Misiri nîmaarivaga arûngamîrîri a Isiraeli makîmaûragia atîrî, “Andû enyu mararega kûruta wîra wa kûmba matuvarî ta mbere nîkî?”

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 27:7

Ngai-Mûnene ndaaverithia Aisiraeli na vinya ta ûrîa aaverithirie nthû ciao. Aisiraeli arîa maaûragîrwe mbaararî, nî anini gûkîra nthû ciao.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 30:32

Wa ûrîa Ngai-Mûnene akaamaringa akîmaverithia, nwaguo andû ake makaavûraga tamburini na ngita. Ngai ke mwene nîke ûkaarûa na Asîria.

Isaia 35:4

Îrani arîa marî na guoya ngoro atîrî, “Îyûmîrîrieni, tigani gwîtigîra! Taroriani Ngai wenyu nîagaaûka kûmûrîvîrîria, nîagaaûka kûverithia nthû cienyu, ke mwene nîagaaûka kûmûvonokia.”

Isaia 37:22

ûvoro wîgiî mûthamaki ûcio, Ngai-Mûnene augîte atî: Mwîrîtu nthingi mwarî wa Zayuni, nîakûmenete na agakûthekerera. Mwarî wa Jerusalemu nîarakwinainîria kîongo na agakûnyarara.

Isaia 37:6

Isaia nîwamerire atîrî, “Îrani mwathi wenyu Ngai-Mûnene arauga atî, ‘Ndûgetigîre nîûndû wa ûrîa wegua ndungata cia mûthamaki wa Asîria cianuma.

Isaia 4:3

Arîa onthe magaatigara marî mwoyo îtûûrarî rîa Jerusalemu, arîa magaatigara kûu Zayuni nîmagetwa, “Atheru.” Acio nî arîa onthe marîîtwa mao makethîrwa mandîkîtwe nîguo matûûre kûu Jerusalemu.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 51:13

Nîkwa wî mûriganîre nî Ngai-Mûnene ûrîa wakûmbire, ûrîa watambûrûkirie îgûrû, na agîkîra mûcingi wa nthî? Ûtindaga vingo cionthe wîtigîrîte marakara ma arîa mavinyanagîrîria, vîndî îrîa makwîvarîria gûgûcûkangia nîkî? Marakara mao matingîkûvutia.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 7:4

Mwîre amenyerere, akirîrîrie, ndagetigîre na ndagakue ngoro nîûndû wa marakara meengî ma Rezini, mûthamaki wa Sîria na ma Peka, mûvîcî wa Remalia. Andû acio aîrî mekariî ta ndogo ya ngû ikîvora mwaki.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Mika 5:5

nake nî akaareta thayû. Rîrîa andû a Asîria makaatharîkîra vûrûri wetû; na momomore nyomba cietû cia kwîgitîra, nîtûgaatûma atongoria etû arîa marî vinya makarûe nao.