Isaia 10:12 - ÎVUKU RÎA ÛVORO MWARO

¹² Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 10:12 ပူးပေါင်းရင်းမြစ်များ

2Atha 19:31

Kûrî na andû magaatigara kûu Jerusalemu na Kîrîmarî gîa Zayuni, nîûndû Ngai-Mûnene arî na wendi mûnene mûno wa kwona atî ûguo nîgwekîka.

Thaburi 18:27

Nîûvonokagia andû arîa menyivagia, nwatî nîûturithagia kîene andû arîa etîi.

Thaburi 21:10

Nîûkaathiria njiarwa ciao gûkû nthî, nîûkaamaûraga onthe mathire.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Thaburi 76:5

Arîa marî vinya nîmaacunirwe indo ciao irîa maatavîte, na rîu onthe mamamîte toro wa gîkuû, vinya wao na wara wao warî wa mana.

Nthi 21:4

Mwîtîîo, na mwîgatho nîcio itongoragia andû arîa aganu, na ûcio nî wîvia.

Nthi 30:13

Kûrî andû meyonaga marî aro mûno, na kaî nîmeyonaga marî aro î!

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Isaia 27:7

Ngai-Mûnene ndaaverithia Aisiraeli na vinya ta ûrîa aaverithirie nthû ciao. Aisiraeli arîa maaûragîrwe mbaararî, nî anini gûkîra nthû ciao.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 37:23

Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!

Isaia 37:29

Nîûndû nîûndakarîrîte, na nîmbîguîte ûvoro wa mwîtîîo waku, nîngwîkîra ndûano yakwa îniûrûrî rîaku, na mbîkîre gîcûvî gîakwa kanyuarî gaku, na ngûcokie na njîra îrîa waûkire nayo.”

Isaia 5:15

Andû onthe nîmagaaconorithua, nao arîa onthe etîi megwithue nthoni.

Isaia 50:11

Nwatî mue mwakagia mwaki, mue mûkanagîrîra na icinga icio cienyu. Thiîcagîrîrani ûtherirî wa mwaki ûcio, nînîmbîrî cia mwaki ûcio mwakîtie mue ene. Kîrîa mûûkaanyita kuuma kûrî Ngai-Mûnene nî gîkî, mûkaamama nthî mûrî na mathîna meengî.

Isaia 65:7

nîûndû wa mevia mao na nîmaverithîrie mevia ma methe mao. Nîûndû nîmaavîvagîria ûbani îgûrû rîa irîma, na makanumaga marî îgûrû rîa tûrîma. Kwoguo nîmaverithia viû nîûndû wa maûndû marîa meekire tene.”

Isaia 9:9

Andû onthe a Isiraeli nîmakaamenya, andû a mûvîrîga wa Efiraimu na andû arîa matûûraga Samaria, maragia na mwîtîîo na ûng'endu makiugaga atîrî,

Jeremia 25:29

Taroria! Rîu nîngwambîrîria kûverithia îtûûra rîrîa rîtanîtue nanie. Mûreciria nwa mûrege kûverithua? Nwa nginya mûverithue, nîûndû nîngûtûma kûgîe na mbaara kûrî andû onthe a nthî. Nînie Ngai-Mûnene mwene vinya wonthe nauga guo.

Jeremia 50:18

Nîûndû wa ûguo nie Ngai-Mûnene mwene vinya wonthe Ngai wa Isiraeli, nîngûverithia mûthamaki Nebukadinezarû na vûrûri wake, wata ûrîa naaverithirie mûthamaki wa Asîria.

Jeremia 50:32

Ûrîa mwîtîi nîakaavîngwa na agwe nthî, gûtirî mûndû ûkamûtethia kûrûngama, na nîngaakia mwaki matûûrarî ma Babuloni, naguo nîûkavîvia kîndû kîonthe kîrî vakuvî naguo.”

Ezek 31:10

Ngai-Mûnene arauga atîrî, “Mûtî ûcio nîwanenevire na ûkîracava na îgûrû mûno, naguo nîwaîtîire nîûndû wa ûraca waguo.

Ezek 31:14

Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Danieli 11:45

Nîakaamba magema make ma ûthamaki gatagatî ka îria na kîrîma kîrîa kîtheru, varîa hekarû îtumîtwe. Nwatî kavinda gake ga gûkua gakinya, gûtirî mûndû ûkamûtethia.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Ndari 24:24

Meri nîigaakinya ciumîte Kitimu, nîikaatharîkîra Ashuri na Eberi, nwatî wanao nîmakaathira viû.”

Mathaayo 12:33

“Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo.

Mathaayo 15:19

Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Gûco 32:27

Nwatî ndingîetîkîrie nthû ciao ciîtîîe, ikiugaga atî nîciavootire andû akwa, wa rîrîa arî nie mwene naamaverithirie.’

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?