Isaia 1:7 - ÎVUKU RÎA ÛVORO MWARO

⁷ Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 1:7 ပူးပေါင်းရင်းမြစ်များ

2Maû 28:5

Kwoguo Ngai-Mûnene, Ngai wake nîwamûrekererie na akîvootwa nî mûthamaki wa Sîria. Mûthamaki wa Sîria nîwacokire akînyita andû eengî a Juda na akîmavira Damesiki marî mîgwate. Mûthamaki Ahazi nwa warekererue kûrî mûthamaki wa Isiraeli, ûrîa wamûvootire na akîûraga andû eengî mûno a Juda.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Thaburi 107:39

Rîrîa maanyivanyivire na makîthirua vinya na njîra ya kûvinyîrîrua na kûthînua,

Thaburi 109:11

Mûndû ûrîa ûmûkombithîtie kîndû, nîamûcune indo îrîa agîte nacio cionthe.

Isaia 1:8

Îtûûra rîa Zayuni rîtigîtwe rîrî rîonga, ta kanyomba ka mûrangîri karî mûgûndarî wa mîthavibu, kana kanyomba karî mûgûndarî wa marenge, ta îtûûra rîrî rîrigicîrie.

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Isaia 34:9

Tûrûnjî twa Edomu nîtûkaagarûrûka tûtuîke rami, naguo mûthetu wa kuo ûtuîke ûviriti. Vûrûri wonthe ûgaatuîka ta rami îgûakana mwaki.

Isaia 49:19

“Nama vûrûri waku ûrîa mûcûkangie na ûgatiganîrua, nîûkethîrwa ûrî mûnini mûno wa gûtûûrwa nî andû aku; nao arîa maagûtavîte makethîrwa marî kûraca nawe.

Isaia 5:17

Twori twa ng'ondu, twori twa mbûri na tûcaû, tûkaarîcaga nyaki matûûrarî marîa momomoku.

Isaia 5:9

Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 60:15

Wana ethîrwa nîwatiganîrîtue na ûkamenwa, na andû onthe makaûraga nîwe, vandû va ûguo nîngaagûtua ûgîe na riiri tene na tene, kûndû kwa gûkenagîrwa nî njiarwa cionthe.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 64:10

Matûûra maku marîa matheru matuîkîte werû; Zayuni gûtuîkîte werû, Jerusalemu gûtuîkîte maganjo.

Isaia 9:18

Waganu wa andû wakanaga ta mwaki ûvîvagia nthaugû na mîgua. Wakanaga ta mwaki ûkîvîvia mûtitû ûkîrutaga ndogo ndito îkiunûkagia na îgûrû.

Isaia 9:5

Iratû cionthe cia athigari a mbaara arîa maatharîkagîra, na nguo ciao cionthe irîa irî na maroro ma nthakame, nîikaavîvua ta ngû.

Jeremia 2:15

Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 44:6

Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Jeremia 6:8

We Jerusalemu, maûndû mama nîmatuîke ma gûgûkaania, ethîrwa tîguo nîngûmûtiganîria, ndûme ûtuîke werû, kûndû gûtatûûraga andû.”

Jeremia 7:34

Na kûu matûûrarî ma Juda na tûcîrarî twa Jerusalemu nîngatûma gûtikegue mûgambo wa kûthekania na wa gîkeno, mûgambo wa mûviki na mûvikania, nîûndû vûrûri wonthe ûgatwîka îganjo.”

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Ezek 25:4

Kwoguo nie nîngûmûnenganîra kûrî andû a mwena wa îrathîro mûtuîke ao. Nîmagaatuma magema mao kûu kwenyu na matume mîciî yao vûrûrirî wenyu. Makaarîcaga matunda menyu na makanyua îria rîenyu.

Ezek 30:12

Nîngaatûma rûnjî rwa Nilo rûvwe na menderie andû aganu vûrûri wa Misiri. Nîngaatûma andû ageni manange vûrûri ûcio wana kîndû kîonthe kîrîa kîrî kuo. Nie Ngai-Mûnene nînie mbugîte ûguo.”

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Alawi 26:34

“Rîrîa mûkethîrwa mûrî mavûrûrirî ma nthû cienyu, mîgûnda yenyu nîkaavurûka na îkûngûîre thavatû irîa mûtaakûngûagîra.

Mika 5:11

Nîngaacûkangia matûûra ma vûrûri wenyu, na nyomomore kûndû kwenyu gwa kwîgitîra.

Mika 6:13

Kwoguo mue nîmwîvîtie na nîngwambîrîria kûmûverithia na nîmûthirie.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Gûco 28:43

“Ageni arîa matûûraga vûrûrirî wenyu nîmakaathiî na mbere kûgîa na vinya kûmûkîra, namue nîmûkaathiî na mbere kûthirwa nî vinya.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.