Isaia 1:5 - ÎVUKU RÎA ÛVORO MWARO

⁵ Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Isaia 1:5 ပူးပေါင်းရင်းမြစ်များ

2Atha 1:13

Wa rîngî mûthamaki nîwatûmire mûnene wa kathatû wa athigari mîrongo îtano na athigari ake. Mûnene ûcio nîwaunûkirie kîrîmarî akîthiî kûrî Elija, agîturia maru mbere yake na akîmûthaitha akîmwîra atîrî, “Mûndû wa Ngai, nakûthaitha ûmbîguîre ntha vamwe na athigari akwa na ndûgatûûrage!

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

Nehemia 9:34

Athamaki etû, atongoria etû, athînjîri-Ngai etû, na methe metû matianathîkîra watho waku. Matiarûmîrîra maathani maku kana maûndû marîa wamakaanirie.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 31:6

Mue andû a Isiraeli, garûrûkîrani ûcio mwaregire na vinya.

Isaia 33:24

Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 13:23

Mûndû nwa agarûre rangi wa ngoothi yake, kana ngarî îcenjie maroro mayo? Ethîrwa nwa magarûre, wana mue mûmenyerete gwîka naaî, nwa mwîke maûndû marîa magîrîrîte.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 44:15

Nao arûme onthe arîa maamenyire atî aka ao maarî avîvîriu ngai ng'eni ûbani na aka onthe arîa maarûngamîte vau, gîkundi kînene Kîam andû vamwe na andû a Isiraeli arîa maatûûraga Pathirosi vûrûrirî wa Misiri nîmaacokerie Jeremia atîrî,

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Maca 5:17

Nîûndû wa ûguo ngoro cietû nî ndwaru, na metho metû magatiga kwona,

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.