Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 1:4 - ÎVUKU RÎA ÛVORO MWARO

4 Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

အခန်းကိုကြည့်ပါ။ ကော်ပီ




Isaia 1:4
69 ပူးပေါင်းရင်းမြစ်များ  

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.


Nîwatiganîrie Ngai-Mûnene, Ngai wa methe make, na akîrega kûrûmîrîra maathani ma Ngai-Mûnene.


Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.


Nîwekire maûndû marîa maakenagia Ngai-Mûnene wata ûrîa îthe Uzia eekîte. Nwatî Jothamu ndaatonya hekarûrî ya Ngai-Mûnene. Kûnarî ûguo, andû nîmaathiîre na mbere gwîka maûndû macûku.


Nîtwîkîte maûndû macûku marîa mataringanîte na maathani maku. Tûtirûmîrîrîte maathani, mawatho na matuîro ma ciira marîa watûveere kûvîtûkîrîra kûrî ndungata yaku Musa.


Andû arîa aganu matûûraga mavîtagia; matûûraga maveenanagia kuuma rîrîa maaciarirwe.


Nîngaagûkumia ngîvûûraga ngita; nîngaakumia wîvokeku waku, we Ngai wakwa. Nîngaakwinîra nyîmbo na kînanda, we ûrîa Mûtheru wa Isiraeli.


Nîmaareganire na Ngai maita meengî marî werûrî, na maita meengî nîmaamwîguithirie kîeva.


Meekaraga makîgeragia Ngai, na magatûma Ûrîa Mûtheru wa Isiraeli arakare.


makîgarûrûka na magîka maûndû macûku ta methe mao; maathugarire ta ûta ûtarî mûrûngarû.


Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.


We Ngai-Mûnene, vinya ûrîa ûtûgitagîra nî waku; we Ûrîa Mûtheru wa Isiraeli nîwe ûtûvete mûthamaki wetû.


Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.


Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.


Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.


Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.


Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”


Nwatî we tîûthikwa na gîtîîo ta athamaki acio, nîûndû nîwacûkangirie vûrûri waku, na ûkîûraga andû aku. Njiarwa cia eki naaî itikaaririkanwa tene na tene.


Andû arîa avooreri nîmakaagîa na gîkeno gîcerû kuuma kûrî Ngai-Mûnene, nao arîa athîni gûkû nthî nîmagaakena nîûndû wa Ûrîa Mûtheru wa Isiraeli.


Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.


Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.


Nîûndû Ngai-Mûnene, Ngai Ûrîa Mûtheru wa Isiraeli arauga atîrî, “Mûngînjokerera na mûkirîrîrie, nîmûkaavonoka; mwakirîrîria na mwanîîvoka mûkaagîcaga na vinya.” Nwatî mue nîmwaregire gwîtîkîra.


Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.


Kûnarî ûguo, Ngai nî mûûgî na nîaretage mûthiro. Ûrîa augîte ndericûkagwa, na nîevarîrîtie kûverithia eki naaî, na averithie arîa matethagîrîria eki naaî.


Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!


Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.


Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.


nîguo andû mone na mamenye, mecirie na mataûkîrwe vamwe, atî Ngai-Mûnene nîke wîkîte ûguo. Ûrîa Mûtheru wa Isiraeli nîke wîkîte ûndû ûyû.”


Maugaga atîrî, “Tiga Ngai-Mûnene eke maûndû na îvenya, nîameke narua, nîguo tûmone. Tiga mîvango ya Ûrîa Mûtheru wa Isiraeli îvinge, nîguo tûmîmenye.”


Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.


“Narakarire nîo nîûndû wa mevia mao na ûkoroku wao, nînamaverithirie, ngîmatiganîria na ngîtûmbwa nî marakara. Nwatî nîmaûmirie kîongo na makîthiî na mbere kûrûmîrîra njîra ciao o ene.


Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”


“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;


Andû aya mekaraga makîndakaragia vîndî cionthe. Marutagîra mîvuanano yao magongoona tûmîtitûrî tûrîa twamûre, na makavîvagîria ûbani îgûrû rîa metha cia magongoona irîa itumîtwe na matuvarî.


Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.


Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.


Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.


Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?


Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.


Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”


Nama we nîwîcî gûcaria andû a kwendana nao, wana nginya aka arîa aganu nîûmathomithîtie mîthiîre yaku.


Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?


nîûndû wa maûndû monthe macûku marîa andû a Isiraeli na Juda mekîte vamwe na athamaki, atongoria, athînjîri-Ngai na arathi.


Îrani andû arîa marûaga na mîguî makatharîkîre Babuloni. Rigicîriani îtûûra rîu na mûtikareke mûndû wana ûmwe ethare. Rîverithieni kûringana na ciîko ciarîo, mûrîke wata ûrîa rîkîte mavûrûri marîa mengî, nîûndû rîthîrîtwe rîkînyarararithie Ngai-Mûnene Ûrîa Mûtheru wa Isiraeli na mwîtîîo warîo.


Nîûndû nie Ngai-Mûnene mwene vinya wonthe, ndirî mûtiganîriu andû a Isiraeli na a Juda, wana ethîrwa vûrûri wao na wa Akalidei nîûvîtîrîtie Ûrîa Mûtheru wa Isiraeli.


Nama, nînie mararakaria? Naarî, nî o ene marerakaria na makeretera gîconoko.


Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.


Ngeka ûguo nîguo nîîgwatîre ngoro cia andû a nyomba ya Isiraeli nîûndû onthe nîmaandiganîrie makîthiî kûgooca mîvuanano îo yao.


Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.


We ûrî mwîrîtu wa mûndûmûka ûrîa ûnyararîte mûrûme na ciana ciake. Na ma wî mwarwang'ina na erîtu arîa manyararîte arûme ao wana ciana ciao. Nyûkwe aarî Mûhiti nake aguo aarî Mûamori.


Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.


Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”


Namue rûciaro rwa evia, nîmûkinyîte varîa methe menyu maarî, mûgatûma marakara ma Ngai-Mûnene kûrî Aisiraeli mongerereke!


“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.


Mue njoka na ciana cia njoka! Mûkaavota atîa kûûra nîguo mûtikathiî îcuarî!


Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.


Kwoguo andû arîa mathagwa nî maûndû ma mwîrî methagîrwa marî ûthû na Ngai, nîûndû matiathîkagîra Watho wake, na matingîvota kûwathîkîra.


Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?


Nao nîmagaacokerua, ‘aarakarire ûguo nîûndû andû ake nîmaareganire na kîrîkanîro kîrîa Ngai-Mûnene Ngai wa methe mao aarûthire nao rîrîa aamarutire vûrûrirî wa Misiri.


Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.


Rîrîa Ngai-Mûnene oonire ûguo nîwamatiganîrie, nîwatiganîrie erîtu na anake ake.


Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.


Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.


Nîûndû mevia make maiganîrîrîtwe vamwe magakinya îgûrû, nake Ngai nîaririkanîte waganu wake.


Aisiraeli nîmaacokire makîrîrîra Ngai-Mûnene makiugaga atîrî, “Nîtûkûvîtîrîtie, nîûndû nîtûgûtiganîrîtie we Ngai wetû na tûgatungatîra Baali ngai cia mîvuanano.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ