Isaia 1:31 - ÎVUKU RÎA ÛVORO MWARO

³¹ Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 1:31 ပူးပေါင်းရင်းမြစ်များ

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Isaia 33:11

Mûkaavangaga maûndû matarî na vata; mûgekaga maûndû matarî na umithio. Mîvevû yakwa nîta mwaki ûrîa ûvîvagia; mîvevû yakwa îkaamûcûkangia ta mwaki.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 4:4

Mwathani nîagaatuîra andû a Zayuni na atherie mevia ma Jerusalemu na nthakame îrîa îtûrûrîtwe kuo.

Isaia 43:17

nînarûire na athigari njamba cia mbaara, maarî na ikaari cia mbaara na mbarathi. Mamaamîte nthî, na matingîavotire gûkîra, makîthira na makîvora ta rûtambi rwa taa!

Isaia 5:24

Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.

Isaia 50:11

Nwatî mue mwakagia mwaki, mue mûkanagîrîra na icinga icio cienyu. Thiîcagîrîrani ûtherirî wa mwaki ûcio, nînîmbîrî cia mwaki ûcio mwakîtie mue ene. Kîrîa mûûkaanyita kuuma kûrî Ngai-Mûnene nî gîkî, mûkaamama nthî mûrî na mathîna meengî.

Isaia 66:17

Ngai-Mûnene arauga atîrî, “Andû arîa metheragia na makethambia makathiî marûmanîrîrîte na mûruti magongoona mathiîte mîgûndarî kûrîa mîvuanano îrutagîrwa magongoona, arîa marîcaga nyama cia ngûrwe na cia mbîa, na irio irîa irî mûgiro, makaathiranîrua vamwe onthe.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Ezek 32:21

Atongoria arîa marî vinya, vamwe na andû arîa mamatethagia marî kwa arîa akuû nîmakaaragia ûvoro wîgiî Misiri. Nîmakaaugaga atî andû a Misiri nîanyûrûrûku kwa arîa akuû. Mamamîte vamwe na andû arîa mataicî Ngai, arîa maakuîrîre mbaararî.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 20:10

Nake Ngoma ûrîa wamavîtithîtie, nîwaikirue îriarî rîa mwaki na ûviriti, kûrîa nyamû na mûrathi wa maveeni maaikîtue. Nao nîmagatûûra maverithagua ûtukû na mûthenya tene na tene.

Atir 15:14

Rîrîa aakinyire Lehi, Afilisiti nîmaavinyûrire na kûrîa aarî makîmugagîrîria. Naguo roho wa Ngai-Mûnene nîwamwîkîrire vinya wa rîmwe na agîtucanga mîkanda îrîa yamwovanîtie njara. Yatuîkangire îkîgûcaga nthî ta mûvûra ûvîvîtue nî mwaki.