Isaia 1:30 - ÎVUKU RÎA ÛVORO MWARO

³⁰ Mûgekara ta mûvuru ûûmîte mathangû ma guo, kana ta mûgûnda ûtarî na manjî.

Isaia 1:30 ပူးပေါင်းရင်းမြစ်များ

Kîam 12:6

Aburamu nîwavîtûkîrîre gatagatî ka vûrûri ûcio na agîkinya Shekemu vandû vatheru mûtîrî ûrîa mwamûre wa More. Vîndî îo Akanaani nîo maatûûraga vûrûri ûcio.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.