Isaia 1:15 - ÎVUKU RÎA ÛVORO MWARO

¹⁵ “Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 1:15 ပူးပေါင်းရင်းမြစ်များ

1Atha 8:22

Solomoni nîwacokire akîrûngama mbere ya metha ya kîgongoona ya Ngai-Mûnene andû onthe a Isiraeli marî vo, akîambararia njara ciake na îgûrû,

1Atha 8:54

Solomoni arîkia kûvoya Ngai-Mûnene, nîwaûkîrire vau mbere ya metha ya kîgongoona varîa aaturîtie maru ambararîtie njara na îgûrû.

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Ayubu 27:20

Guoya ûmûthithûkagîra ta mwîcûro wa manjî, na ûtukû agakuua nî rûkûngi rûnene.

Ayubu 35:13

Nama Ngai ndathikagîrîria kîrîro Kîam mana, wana Mwene Vinya ndoonaga ta ûndû.

Thaburi 134:2

Ambarariani njara mûvoe mûrî varîa vatheru, na mûkumie Ngai-Mûnene!

Thaburi 55:1

Thikîrîria îvoya rîakwa, we Ngai, ndûkarege kûnthikîrîria ngîkûvoya!

Thaburi 66:18

Kethîrwa nînaaregire kûvera mevia makwa, Mwathani ndangîanthikîrîrie.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Nthi 1:28

Nîmûgaacoka mûmbîte, nwatî ndikaamwîtîka. Mûkaanjaria na kinyi, nwatî mûtikaamona.

Nthi 6:17

varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Isaia 4:4

Mwathani nîagaatuîra andû a Zayuni na atherie mevia ma Jerusalemu na nthakame îrîa îtûrûrîtwe kuo.

Isaia 45:15

Nama we wî Ngai ûrîa wîthithîte, Ngai wa Isiraeli, Mûvonokia.

Isaia 58:4

Taroriani, mwînyerekagia nîguo mûtetanie na mûrûe mûkîringanaga na ngundi. Kwînyerekia kwa mûthemba ta ûyû wenyu gûtigaatûma nîmûthikîrîrie mûkîmvoya.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Jeremia 11:11

Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 4:31

Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Ezek 11:6

Nîmûragîte andû eengî mûno îtûûrarî na njîra cionthe ciîcûrîte ciimba.

Ezek 14:3

“Mûndû, andû aya nîmetîkîtie mîvuanano, na mîvuanano îo nîîratûma mevie. Nie nwambîtîkîre mambûrie ûtaaro wa wonthe?

Ezek 39:23

Nacio ndûrîrî nîikaamenya atî andû a Isiraeli maathiîre îthamîriorî nîûndû wa mavîtia marîa maambîkire. Nînaamatiganîrie na nîûndû nîmaamenire, ngîmarekereria kûrî nthû ciao na ikîmaûraga.

Hosea 5:6

Nîmakaathiî na ikundi ciao cia ng'ombe na ng'ondu, gûcaria Ngai-Mûnene; nwatî matikamwona, nîûndû ke nîmûmatiganîriu.

Mika 3:4

Îvinda nîrîgakinya rîrîa mûkaarîrîra Ngai-Mûnene, nwatî ndakaamûcokeria. Ndakeegua mavoya menyu nîûndû nîmwîkîte maûndû macûku.

Zakaria 7:13

Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 6:7

“Vîndî îrîa mûkûvoya, tigagani gûtûmîra ciugo nyîngî itarî na vata ta ûrîa andû arîa matetîkîtie mekaga. O meciragia atî ngai ciao nîikûmegua nîûndû mavoya mao nî maraca.

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.