Isaia 1:11 - ÎVUKU RÎA ÛVORO MWARO

¹¹ Ngai-Mûnene arauga atîrî, “Magongoona meengî marîa mûndutagîra nî ma kî? Nîrî mûnogu nî matega menyu ma kûvîvua ma ndûrûme, na maguta ma nyamû cienyu irîa noru. Ndikenagua nî nthakame ya ndegwa, ya ndûrûme kana ya nthenge.

Isaia 1:11 ပူးပေါင်းရင်းမြစ်များ

Thaburi 40:6

We ndwendaga magongoona na matega, ndwîtagia matega ma kûvîvua kana ma kûtheria mevia, nwatî ûmvete matû ngwîgucage,

Thaburi 50:8

Ndiragûtetia nîûndû wa magongoona maku, matega ma kûvîvua marîa ûndutagîra vîndî cionthe.

Thaburi 51:16

We ndûkenagua nî magongoona, kethîrwa nîûkenagua nîmo, nîngîakûrutîra; we ndûkenagua nî matega ma kûvîvua.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Jeremia 7:21

Ngai-Mûnene mwene vinya wonthe, Ngai wa Isiraeli arauga atîrî, “Ongererani matega menyu ma kûvîvua kûrî magongoona marîa menyu mûrîe nyama ciamo.

Hosea 6:6

Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Amosi 4:5

Rutagani îgongoona rîa gûcokia ngatho kûrî Ngai rîa mûgate ûtarî na ndawa ya kwimbia, na mwîtîîage nîûndû wa matega ma kwîyendera marîa mûrutaga. Ûguo nîguo Ngai-Mûnene arauga.

Amosi 5:21

Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Amosi 5:22

Wana mwandutîra matega ma kûvîvua na matega ma irio cia mîgûnda ndikaametîkîra. Na ndigetîkîra matega menyu ma thayû ma nyamû irîa noru.

Mika 6:7

Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?

Hagai 2:14

Hagai nîwacokire akiuga atîrî, “Mwathani-Ngai arauga atî, ûguo nîguo gûgaatuîka kûrî andû a vûrûri ûyû na maûndû monthe marîa mekaga. Kwoguo indo cionthe irîa makaaruta metharî ya kîgongoona tî ntheru.”

Zakaria 7:5

na akîmbîra atîrî, “Ûria andû onthe a Isiraeli na athînjîri-Ngai kana rîrîa menyerekagia na magacakaya mweri wa gatano na wa mûgwanja îvinda rîa mîaka mîrongo mûgwanja îthirîte, mekaga ûguo nîûndû wakwa?

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Ndari 7:45

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Mathaayo 22:4

Nake nîwacokire agîtûma ndungata ciîngî na agîciîra atîrî, ‘Îrani andû arîa metîtwe kîrugorî atî: Îruga rîakwa nîrîvarîrie. Ndegwa na njaû irîa noru nî nthînje na irio nî mvîu; ûkani îrugarî rîa ûviki!’

Mathaayo 9:13

Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.