Hosea 9:6 - ÎVUKU RÎA ÛVORO MWARO

⁶ Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

Hosea 9:6 ပူးပေါင်းရင်းမြစ်များ

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Nthi 24:31

Na ngîmaka nona ûramerete mîgua kûndû kuonthe, na ûkamera îria kuonthe, rûthingo rwaguo rwarî rwomomoku.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 19:13

Atongoria a Zoani nî aritu, na atongoria a Memufisi nîaveenie; magîrîrwe nî gûtongoria andû, nwatî nîmavîtithîtie vûrûri wa Misiri.

Isaia 27:12

Mûthenya ûcio Ngai-Mûnene nîakaaûngania maketha make kuuma rûnjîrî rwa Farati nginya karûnjîrî ka Misiri, namue andû a Isiraeli nîmûkaaûnganua ûmwe kwa ûmwe.

Isaia 32:13

nîûndû wa vûrûri wa andû akwa nîûramera mîgua na nthaugû, mûrîrîre nyomba cionthe irîa ciecûrîtwe nî gîkeno, na ciarî îtûûrarî rîrî na gîkeno.

Isaia 34:13

Mîgua nîkaamera kûndû kwao kûrîa kûgitîre, ria na mîgua nîgaakûra kûndû kûrîa kûrî na nthingo cia vinya. Kûu nîkuo gûgatûûraga ciathi na nyaga.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Isaia 7:23

“Vîndî îo, mîgûnda yonthe ya mîthavibu, îrîa wa mûgûnda warî na mîthavibu ngiri îmwe ya mwîgana wa sîlûva ngiri îmwe (1,000) kûringana na kîthimi Kîam hekarû, gûgaakûra nthaugû na mîgua.

Jeremia 2:16

Îgûrû rîa ûguo andû a Memufisi na Tahifanihesi, nîmaunangîte nthûmbî yake.

Jeremia 42:22

Kwoguo, rîu menyani nama atî kûndû kûu mwîrirîrîtie kûthiî gûtûûra, nîmûgaakuîra kuo nî mbaara, yûra na mîrimû.”

Jeremia 44:1

Kiugo Kîam Ngai-Mûnene nîgîakinyire kûrî Jeremia kîgiî Ayahudi onthe arîa maatûûraga Misiri matûûrarî ma Migidoli, Tahifanihesi, Memufisi na gîcunjî Kîam Pathirosi.

Jeremia 44:12

Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Jeremia 44:13

Nîngaverithia arîa matûûraga Misiri wata ûrîa naverithirie Jerusalemu na mbaara, yûra na mîrimû mîcûku.

Jeremia 46:14

“Anîrîra vûrûrirî wa Misiri, na ûmenyithanie kûu Migidoli, anîrîra kûu Memufisi na Tahipanesi. Meere atî: ‘Îkarani mwîvarîrîtie, nîûndû mbaara nîgaacûkangia kûndû kuonthe.’

Jeremia 46:19

Mue atûûri a Misiri, varîriani mîrigo yenyu nîguo mûthiî îthamîriorî! Nîûndû îtûûra rîa Memufisi nîrîgacûkangua viû, rîgaatuîka îganjo kûndû gûtatûûragwa nî andû.

Ezek 30:13

Ngai-Mûnene Ngai arauga atîrî, “Nîngaacûkangia mîvuanano na njûkangie ngai cia maveeni irîa igoocagwa îtûûrarî rîa Mefisi. Gûtikaagîa na mûthamaki rîngî kûu Misiri, na nîngaatûma andû a vûrûri ûcio mecûrwe nî guoya.

Ezek 30:16

Nîngaakia mwaki vûrûri wa Misiri. Nîgûkaagîa na ruuo rûnene Pelusiumu. Thebesi nîîkomomorwa na îtûûra rîa Mefisi rîtharîkîrwe nî nthû mûthenya.

Hosea 10:8

Kûndû gwa kûvoera tûrîmarî twa Aveni, mevia ma Isiraeli, nîgûgaacûkangua. Mîgua na nthaugû nîkîikamera metharî ciao cia magongoona. Nao nîmakeera irîma, “Tûkunîkîre” na meere tûrîma atîrî, “Tûgwîreni!”

Hosea 11:11

Magaûka magîtetemaga ta gîconi maumîte ya Misiri, makarûgaga ta macîa maumîte ya Asîria, nanie nîngamacokia kwao mîciî. Ûguo nîguo Ngai-Mûnene arauga.

Hosea 2:6

Kwoguo nîngavinga njîra yake na mîgua, na ndume rûthingo rwa kûmwirigîra, nîguo ndakone gwa kuumîrîra.

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Hosea 7:13

O nîanyite nî kîrumi nîûndû nîmandiganîrîtie! Nîmagûcûkangua nîûndû nîmareganîte nanie! nîmendaga kûmakûûra, nwatî o maaragia maveeni îgûrû rîakwa.

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Zefania 1:11

Rîrani mue arîa mûtûûraga Moritari, nîûndû avûri mbiacara onthe nîaûrage, arîa onthe mathimaga sîlûva nîathirie.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;