Hosea 9:13 - ÎVUKU RÎA ÛVORO MWARO

¹³ We Isiraeli, rîrîa nacemanirie nawe rîa mbere, nonire wîkariî ta mûkîndû ûvandîtwe mûgûndarî mûnoru. Nwatî rîu we Isiraeli nîwatongorerie ciana ciaku ikaûragwe.

Hosea 9:13 ပူးပေါင်းရင်းမြစ်များ

2Atha 15:16

Vîndî îrîa Manahemu aarî njîrarî aumîte Tiriza, nîwacûkangirie îtûûra rîa Tapua, andû a kuo na îtûûra rîrîa rîrî vakuvî nîûndû andû a kûndû kûu nîmaaregire kwînenganîra kûrî ke. Wana nîwarutire aka onthe a îtûûra rîu nguo arîa maarî na mavu.

Ayubu 27:14

Wana ethîrwa arî na ciana nyîngî cionthe ikaûragîrwa mbaararî, na njiarwa ciake igatûûraga na yûra.

Jeremia 7:15

Nîmwîngata mume mbere yakwa wata ûrîa nengatire andû enyu onthe, njiarwa cia Efiraimu.”

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Maca 2:22

Wetire nthû ciakwa kuuma mîena yonthe, nîmaûkire kûrî nie ta andû metîtwe kîrugorî; mûthenya ûrîa watumûkire na marakara, nthû ciaûragire ciana ciakwa, irîa njiarîte na ngarera.

Ezek 27:3

îtûûra rînene rîrîa rîrî rûtere rwa îria na rîrutithanagia wîra wa kûgûra na kwendia indo na andû a mavûrûri marîa matûûraga rûtere rwa maria. Îra îtûûra rîu Ngai-Mûnene Ngai augîte atîrî: “We îtûûra rîa Turo wîtîîaga atî ûrî mûthaka mûno.

Hosea 10:14

Kwoguo mûrurumo wa mbaara nîûgakinyîra andû aku; nthingo cionthe cia kwîgitîra nîikomomorwa ta ûrîa Shalimani aacûkangirie Betharibeli marî mbaararî, aka na ciana ciao magatinangua inuku.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Hosea 13:8

Nînîmûrûgîra ta Kîamthi gîcunîtwe twana twakîo, Nînîmûtarûranga ithûri cienyu ta mûnyambû na nîmûrîe vau vau. Nînîmûtarûranga inuku ta ûrîa nyamû ya kîthaka îkaga.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 9:16

Andû a Efiraimu nî aringe, mekariî ta mîtî îrî na mîri mîûmû, o matigaciara maciaro. Wana maaciara ciana, nîngaûraga ciana ciao irîa mendete.”

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”