Hosea 9:12 - ÎVUKU RÎA ÛVORO MWARO

¹² Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Hosea 9:12 ပူးပေါင်းရင်းမြစ်များ

2Atha 17:18

Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

Ayubu 27:14

Wana ethîrwa arî na ciana nyîngî cionthe ikaûragîrwa mbaararî, na njiarwa ciake igatûûraga na yûra.

Jeremia 15:7

Nîmagûrûkîtie na gîtaararû, matûûrarî monthe ma vûrûri. Nînjûkangîtie andû akwa, na ngaûraga ciana ciao, nîûndû nîmaaregire gûtigana na mîthiîre yao.

Jeremia 6:8

We Jerusalemu, maûndû mama nîmatuîke ma gûgûkaania, ethîrwa tîguo nîngûmûtiganîria, ndûme ûtuîke werû, kûndû gûtatûûraga andû.”

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Maca 2:22

Wetire nthû ciakwa kuuma mîena yonthe, nîmaûkire kûrî nie ta andû metîtwe kîrugorî; mûthenya ûrîa watumûkire na marakara, nthû ciaûragire ciana ciakwa, irîa njiarîte na ngarera.

Hosea 7:13

O nîanyite nî kîrumi nîûndû nîmandiganîrîtie! Nîmagûcûkangua nîûndû nîmareganîte nanie! nîmendaga kûmakûûra, nwatî o maaragia maveeni îgûrû rîakwa.

Hosea 9:13

We Isiraeli, rîrîa nacemanirie nawe rîa mbere, nonire wîkariî ta mûkîndû ûvandîtwe mûgûndarî mûnoru. Nwatî rîu we Isiraeli nîwatongorerie ciana ciaku ikaûragwe.

Hosea 9:16

Andû a Efiraimu nî aringe, mekariî ta mîtî îrî na mîri mîûmû, o matigaciara maciaro. Wana maaciara ciana, nîngaûraga ciana ciao irîa mendete.”

Malaki 2:12

Ngai-Mûnene aroruta andû arîa mekaga maûndû mau rûciarorî rwa Jakovu, na matikarute ûira kana magongoona mbere ya Ngai-Mûnene, mwene vinya wonthe.

Ndari 14:34

Mûgaatûûra mûnyamaraga mûrî werûrî îvinda rîa mîaka mîrongo îna (40). Mwaka ûmwe ûkaarûngamagîrîra mûthenya ûmwe wa mîthenya îrîa mwaûrûraga mûrî werûrî nîguo mûmenye nînaarakarire!

Ndari 26:65

Ngai-Mûnene aarî mugu atî onthe magaakuîra werûrî. Gûtirî mûndû wanarî ûmwe gatagatîrî kao watigarire tiga Kalebu mûvîcî wa Jefune na Joshua mûvîcî wa Nuni.

Gûco 28:18

Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.

Gûco 28:32

Anake enyu na erîtu enyu makaavecanagwa kûrî ageni wa mûroretie. Mûgeekaraga wa mûthenya mûkûûrîte metho mwone kana nîmagûcoka, nwatî mûtikethîrwa mûrî na ûvoti wa kûrigîrîria mathiî.

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

Atir 4:16

Baraki nîwarûmîrîrie ikaari cia Sisera cia mbaara vamwe na andû ake nginya Haroshethu-hagoimu. Athigari onthe a Sisera nîmaaûragirwe na gûtirî wanarî ûmwe wao watigarire.

1Sam 16:14

Roho wa Ngai-Mûnene nîwatiganîrie Saûlo, naguo roho mûcûku atûmîtwe nî Ngai-Mûnene akîambîrîria kûmûnyarira.