Hosea 8:7 - ÎVUKU RÎA ÛVORO MWARO

⁷ Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Hosea 8:7 ပူးပေါင်းရင်းမြစ်များ

Kîam 41:23

Nînacokire ngîona igira ciîngî mûgwanja cia ngano ikiuma vuva wa icio. Nacio ciarî njeke na irî njûku nîûndû wa kûvîvua nî rûkûngi rwa werû.

2Atha 15:19

Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

Ayubu 4:8

Nie nîmonete atî, arîa mavandaga mbeû ya maûndû macûku na waganu, nwacio makethaga.

Nthi 22:8

Mûndû ûrîa ûtarûmagîrîra kîvooto nîanyitagwa nî thîna, na kûvinyanîrîria gwake nîgûkinyaga mûthiia.

Mûvunjia 5:16

Kûrî ûndû wîngî mûcûku mûno. Mûndû agaacoka wa ûrîa aaûkire. Mûndû arutaga wîra na vinya agîcaria indo, nwatî kûu nîta kûvinyûrania na rûkûngi.

Isaia 17:11

Wana mwatûma îkûre mûthenya wa ûcio mwamîvanda, na mûtûme îrae kîraûko wa kîu mwamîvanda, wanarîo gûtikethîrwa na maciaro. Ûcio ûkethîrwa wî mûthenya wa kîeva na ruuo rûtangîthira.

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Hosea 2:9

Kwoguo vîndî ya maketha nîngoca maketha ma irio, na vîndî ya kûviva ndivei ndute ndivei yakwa. Nîngamûcuna nguo ciakwa cia guoya na îrîa ya goro, irîa ciatûmagîrwa gûkunîkîra njaga yake.

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Hosea 9:16

Andû a Efiraimu nî aringe, mekariî ta mîtî îrî na mîri mîûmû, o matigaciara maciaro. Wana maaciara ciana, nîngaûraga ciana ciao irîa mendete.”

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Agal 6:7

Mûtikaveenue, Ngai ndanyûrûragua. Nîûndû mûndû agaaketha kîrîa avandaga.

Agal 6:8

Ethîrwa mûndû avandaga merirîriarî macûku ma mwîrî, agaaketha gîkuû kuuma merirîriarî mau macûku ma mwîrî. Nwatî ethîrwa avandaga ûvororî wa Roho, agaaketha mwoyo wa tene na tene.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.