Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hosea 8:1 - ÎVUKU RÎA ÛVORO MWARO

1 Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

အခန်းကိုကြည့်ပါ။ ကော်ပီ




Hosea 8:1
34 ပူးပေါင်းရင်းမြစ်များ  

Nwatî Rabushake nîwamerire atîrî, “Nîkwa mûreciria mwathi wakwa, mûthamaki aandûmire kûrî mue muenga na mûthamaki wenyu tu? Nîrarîria wana andû arîa mekarîte îgûrû rîa rûthingo arîa mûrumanîrîtue nao, arîa makaarîcaga mai mao na manyunyage maumago mao, wata ûrîa wanamue mûgeekaga.”


Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!


Andû arîa matûûraga gûkû nîmagwatîtie nthî mûgiro, nîûndû nîmaunîte mawatho ma Ngai, makarega kûrûmîrîra kîrîra gîake, na makauna kîrîkanîro gîa tene na tene.


Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!


Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.


Nao andû arîa maunire kîrîkanîro gîakwa na makîrega kûrûmîrîra mawatho ma kîrîkanîro kîrîa marûthire mbere yakwa, ngamarûtha ta njaû îrîa maatûranirie maita maîrî na makîvîtûkîrîra gatagatî ga icunjî icio.


Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!


Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.


Ngai-Mûnene arauga atîrî, “Taroria kûrî vûrûri ûgaûka na îvenya ûtharîkîre Moabu, ûgaûka wambîte mathagu ta nderi.


Taroria, nthû îkaagûrûka na îgûrû na îvenya ta nderi na îtharîkîre Bozira. Mûthenya ûcio, andû a Edomu nîmakaagîa na guoya ta wa mûndûmûka arî na ûrûrû wa gûciara.”


“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.


Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.


Kwoguo we mûndû, marathîre rîu ûndû ûreganîte nao.”


Tathikîrîria, Ngai-Mûnene araugîte atîrî, “Ngaagwîka wata ûrîa we wekire nîûndû wanyararire mîvîtwa yaku na ûkîthûkia kîrîkanîro.


na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.


Nîmaavuvîte karumbeta na andû onthe mevarîria, nwatî gûtirî mûndû wanarî ûmwe ûkûthiî mbaararî, nîûndû marakara makwa nîmakinyîrîte andû onthe.


Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.


Vuvani coro kûu Gibea, na tûrumbeta kûu Rama. Vuvani kîng'ora kûu Bethaveni. Mue andû a Benjamini, tetemani!


Nwatî rîrîa maakinyire Adamu nîmaagararire kîrîkanîro gîakwa marî kûu nîmaatigire kûnîîvoka.


Ngai-Mûnene arauga atîrî, “Nîûndû wa waganu wao ûrîa wambîrîrie Giligali; kûu nîkuo nambîrîrie kûmamena. Nîûndû wa maûndû marîa mekaga ma mevia, nîngamengata maume nyombarî yakwa. Nie ndikamenda rîngî. Atongoria ao onthe nî aregani


Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.


Vuvani karumbeta kûu kîrîmarî gîa Zayuni; anîrîrani andû menyerekie, na mwîtane mûcemanio mûtheru.


Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?


Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”


Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.


“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.


mûthenya ûcio nî wa tûrumbeta na mbaara, kûrî matûûra marîa marî nthingo nene na nthingo ndaca.


We Lebanoni, vingûra mîrango yaku, nîguo mwaki ûvîvie mîtarakwe yaku.


Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.


Kûndû kûrîa kuonthe ciimba irî, nîkuo nderi igomanaga.


wa rîmwe ta kûvucia kwa riitho vîndî îrîa karumbeta gakaavuvwa. Vîndî îrîa karumbeta gakaavuvwa, akuû nîmakaariûkua ûndû matagacoka gûkua rîngî na tue tuonthe nîtûkaagarûrûka.


Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ