Hosea 7:8 - ÎVUKU RÎA ÛVORO MWARO

⁸ Efiraimu nîmatukanîte na andû a mavûrûri marîa mengî, mekariî ta mûgate ûtarî mûvîu mbarî îmwe.

Hosea 7:8 ပူးပေါင်းရင်းမြစ်များ

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

Ezira 9:1

Maûndû mau marîkia gwîkwa, anene a andû a Isiraeli nîmaaûkire kûrî nie na makîmbîra atî andû a Isiraeli, athînjîri-Ngai na Alawi matianeyamûrania kuuma kûrî andû arîa mariganîtie nao. Meekaga maûndû macûku wata marîa meekagwa nî Akanaani, Ahiti, Aperizi, Ajebusi, Amoni, Amoabu, Amisiri, na Amori.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Hosea 5:13

Rîrîa andû a Efiraimu mamenyire kûrîa marwarîte, na andû a Juda makîona ironda ciao, andû a Efiraimu nîmaathiîre Ashuru, kûvoya ûtethio kûrî mûthamaki mûnene; nwatî mûthamaki ndavota kûmathondeka, wana ndavota kûvonia ironda ciao.

Hosea 5:7

Nîmatigîte gûtuîka evokeku kûrî Ngai-Mûnene, nîmagîte na ciana îtarî cia ma. Mweri mûcerû nîûkamacûkangia vamwe na mîgûnda yao.

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.