Hosea 7:7 - ÎVUKU RÎA ÛVORO MWARO

⁷ Andû onthe makanîtwe nî marakara ta makara njikorî, na makaûraga atongoria ao. Athamaki ao onthe nîmagûîte, na gûtirî wanarî ûmwe ûngîmvoya ûrekero.

Hosea 7:7 ပူးပေါင်းရင်းမြစ်များ

1Atha 15:28

Kwoguo Baasha aaûragire Nadabu mwakarî wa kathatû Asa arî mûthamaki wa Juda. Nake Baasha nîwatuîkire mûthamaki wa Isiraeli vuva wa Nadabu.

1Atha 16:18

Rîrîa Zimuri oonire atî îtûûra rîrîa rînene rîarî rîtave, nîwatonyire nyomba ya ndaarî ya mûthamaki, akîmundia nyomba ya mûthamaki mwaki, akîvîîra kuo na agîkua.

1Atha 16:22

Nwatî mûthiiarî, gîkundi kîrîa kîendaga Tibuni mûvîcî wa Ginathu atuîke mûthamaki nîkîavootirwe nî gîkundi kîrîa kîendaga Omuri atuîke mûthamaki. Kwoguo Tibuni nîwakwire na Omuri agîtuîka mûthamaki.

2Atha 10:14

Nake Jehu nîwathire ndungata ciake atîrî, “Manyiteni marî mwoyo!” Nacio ndungata ciake nîciamanyitire na akîmaûragîra vakuvî na kîthima Kîam “Varîa arîthi mambaga magema.” Onthe maarî andû mîrongo îna na îrî (42), na gûtirî wanarî ûmwe watigarire arî mwoyo.

2Atha 10:7

Kwoguo rîrîa maanyitire maarûa îo, nîmaanyitire anake onthe mîrongo mûgwanja a mûthamaki Ahabu na makîmaûraga. Nîmeekîrire ciongo ciao ikavurî na makîvirîra Jehu kûu Jezireeli.

2Atha 15:10

Shalumu, mûvîcî wa Jabeshi nîweciririe ûrîa akûraga mûthamaki Zakaria na nîwamûragîre kûu Ibileamu na agîtuîka mûthamaki vuva wake.

2Atha 15:14

Menahemu mûvîcî wa Gadi nîwaumire Tiriza na akîthiî Samaria. Nîwaûragire Shalumu, agîcoka agîtuîka mûthamaki vuva wake.

2Atha 15:25

Mûtongoria ûmwe wa athigari a mbaara a mûthamaki Pekahia wetagwa Peka, mûvîcî wa Remalia nîwavangire marî na arûme mîrongo îtano (50) a kuuma Gileadi, ûrîa makûraga Pekahia. Peka nîwaûragîre Pekahia nyombarî yake ya ndaarî, na agîtuîka mûthamaki vuva wake.

2Atha 15:30

Mwakarî wa mîrongo îîrî (20) Jothamu. Mûvîcî wa Uzia arî mûthamaki wa Juda, Hoshea mûvîcî wa Ela nîwavangire ûrîa akûraga mûthamaki Peka. Nîwamûragire na agîtuîka mûthamaki vuva wake.

2Atha 9:24

Jehu nîwagucirie ûta na vinya wake wonthe na akîratha Joramu na mûguî gatagatîrî ga ituro ciake na ûkîmunda ngoro na Jehu nîwagwîre agîkua arî kûu gîkaarirî gîake.

2Atha 9:33

Nake Jehu nîwamerire atîrî, “Mûvarûkieni nthî!” Kwoguo ndungata icio nîciavarûkirie Jezebeli nthî; nayo nthakame îmwe ya Jezebeli nîyaminjûkîre rûthingo, nayo îo îngî îkîminjûkîra mbarathi. Jehu nîwakinyangire mwîrî wa Jezebeli na mbarathi ciake na gîkaari gîake Kîam mbarathi.

Ayubu 36:13

“Andû arîa matarî na ûngai, mendaga kûrakara, wana rîrîa makûverithua o mativoyaga ûtethio.

Thaburi 14:4

Ngai-Mûnene araûria atîrî, “Nîkwa andû arîa mekaga maûndû macûku matarî na ûmenyo? Marîcaga andû akwa ta ûrîa marîcaga irio, na matingoocaga.”

Isaia 43:22

“Kûnarî ûguo, we Jakovu ndwangooca; we Isiraeli, nîûnogetue nînie.

Isaia 64:4

Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Ezek 22:30

Naacaririe mûndû gatagatîrî kao ûrîa ûngîtuma rûthingo na arûngame mbere yakwa vandûrî va andû a vûrûri nîguo ndikamacûkangie, nwatî ndianona wanarî ûmwe.

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Hosea 13:10

Mûthamaki wenyu arîkû rîu nîguo amûvonokie? Atongoria enyu marî kû nîguo mamûgitîre? Nîmue mwavoire atîrî, ‘Tûve mûthamaki na anene nîguo matwathage.’

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Hosea 7:10

Mwîtîîo wa andû a Isiraeli nî mûcûku wao. Kûnarî ûguo matingînjokerera nie Ngai Mûnene Ngai wao, wana matingînjaria manekîte maûndû mau monthe.

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Hosea 8:4

Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

Mika 2:1

Andû arîa mavangaga maûndû macûku kaî marî na thîna-î, mararaga matarî toro magîciria maûndû macûku! Gwakîa kîraûko mathiîcaga gwîka ûndû ûcio, nîûndû marî na vinya.