Hosea 7:14 - ÎVUKU RÎA ÛVORO MWARO

¹⁴ O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Hosea 7:14 ပူးပေါင်းရင်းမြစ်များ

Ntha 32:6

Kîraûko tene mûthenya ûcio wîngî andû nîmaarutire matega ma kûvîvua, na matega ma thayû. Nîmaacokire magîkara nthî makîrîa na makînyua. Nîmaarûngamire na makîambîrîria kwîinia makinaga nyîmbo cia waga nthoni.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Isaia 52:5

Kwoguo rîu nie nîratetheka na ndûî, rîrîa ngwona andû akwa matavîtwe mana? Arîa mamathaga nîkwa maretîîa, narîo rîîtwa rîakwa rîcambagua vîndî cionthe. Ûguo nîguo Ngai-Mûnene arauga.

Isaia 65:14

Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.

Jeremia 12:2

Nîwe wamavandire na makîgîa mîri, makûraga na makagîa na maciaro, maragia ûrîa ûrî mwaro, nwatî ngoro ciao ciîthagîrwa irî kûraca nawe.

Jeremia 3:10

Kûnarî ûguo, mwarwang'ina Juda ûrîa warî mûthaani, ndanjokerera na ngoro yonthe; nwatî aarî na ûvinga. Ûguo nîguo Ngai-Mûnene arauga.”

Maca 2:18

Ngoro ciao nîciakaîre Ngai-Mûnene, makîrîrîra rûthingo rwa mwarî wa Zayuni. Tiga methori metîke ta mbura ûtukû na mûthenya. Rîra ûtagûtigithîria! Cakaya ûtakûvurûka.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Hosea 13:6

Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Hosea 13:9

Nîngûmûcûkangia mue andû a Isiraeli; nû ûngîmûtethia?

Hosea 3:1

Ngai-Mûnene nîwambîrire atîrî, “Thiî rîngî, mûkendane na mûndûmûka ûrîa ûrî na ûrata na mûndûmûrûme wîngî na matharagia nake. Mwende wata ûrîa nie mendete andû a Isiraeli, wana ethîrwa nîmagarûrûkîte makambîrîria gûtungatîra ngai ciîngî na kûirutîra tûmîgate twa thavibu irîa nyûmithie.”

Hosea 8:2

Andû a Isiraeli mandîragîra makiugaga: “Ngai wetû, nîtûgwîcî.”

Amosi 2:8

Mamamaga vakuvî na metha ya kîgongoona, na makamamîra nguo irîa macunîte athîni nîguo irûngamîrîre thirî wao. Manyunyagîra ndivei hekarûrî ya Ngai wao, îrîa matavîte andû maremwa nî kûrîva mathiirî.

Amosi 8:3

Mûthenya ûcio mûciî kwa mûthamaki gûkainwa nyîmbo cia macakaya. Gûkethîrwa na ciimba nyîngî, ikanyagarûkua kûndû kuonthe gûkirîtwe kivi.”

Mika 2:11

Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Zakaria 7:5

na akîmbîra atîrî, “Ûria andû onthe a Isiraeli na athînjîri-Ngai kana rîrîa menyerekagia na magacakaya mweri wa gatano na wa mûgwanja îvinda rîa mîaka mîrongo mûgwanja îthirîte, mekaga ûguo nîûndû wakwa?

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.

Jakuvu 5:1

Na rîu mue itonga tanthikîrîriani. Rîrani na mwîgue kîeva nîûndû wa mathîna marîa maûkîte kûrî mue!

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.