Hosea 6:9 - ÎVUKU RÎA ÛVORO MWARO

⁹ Ta ûrîa acunani methithagîra mûndû njîrarî, nwata guo athînjîri-Ngai mekaraga ikundi makavîrîte andû. Maûragagîra andû njîrarî ûthiîte Shekemu, nama, nîmekaga maûndû macûku mûno.

Hosea 6:9 ပူးပေါင်းရင်းမြစ်များ

Kîam 12:6

Aburamu nîwavîtûkîrîre gatagatî ka vûrûri ûcio na agîkinya Shekemu vandû vatheru mûtîrî ûrîa mwamûre wa More. Vîndî îo Akanaani nîo maatûûraga vûrûri ûcio.

1Atha 12:25

Mûthamaki Jeroboamu wa Isiraeli nîwatumire îtûûra rîa Shekemu rîrîa rîrî vûrûrirî ûrîa ûrî irîma wa Efiraimu na agîtûûra kuo. Nîwacokire akiuma kûu na agîtuma îtûûra rîa Penueli.

Ezira 8:31

Mûthenya wa îkûmi na îîrî wa mweri wa mbere nîrîo twaumire Ahava mûtarorî wa manjî nîguo tûthiî Jerusalemu. Ngai nîwatûgitîre rûgendorî rwetû kuuma kûrî nthû irîa ingîatûtharîkîre kana arîa mangîatwovere njîrarî.

Jeremia 11:9

Nake Ngai-Mûnene nîwacokire akîmbîra rîngî atîrî, “Andû a Juda na Jerusalemu nîmaravanga kûregana nanie.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 22:9

Kûrî na andû marî ndarî yaku maragia maûndû ma maveeni megiî andû arîa engî nîguo maûragwe, na andû engî marîcaga irio irîa irutîrîtwe mîvuanano irîmarî; mekaga maûndû ma ungumania wa ûkîonaga.

Ezek 23:27

Ûguo nîguo ngaagûtigithia ûmaramari ûcio waku na ûmaraa ûrîa wambîrîrie rîrîa warî Misiri, nîguo ndûgacoke kûmaroria kana ûririkana vûrûri wa Misiri rîngî.”

Hosea 2:10

Ngamûruta nguo atigwe arî ndûûrû mbere ya arata ake, na gûtirî mûndû ûkangiria.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Hosea 5:2

Nîmenjîte îrima îraca rîa kûmûnyita kûu Shitimu. Nwatî nie nîngamûverithia muonthe.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Mika 3:9

Tanthikîrîriani mue atongoria a nyomba ya Jakovu; thikîrîriani mue anene a nyomba ya Isiraeli, mue mûmenete kîvooto, mue mûgarûraga ûûma mûgaûtua maveeni.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Maariko 14:1

Mîthenya îîrî mbere ya kîrugo Kîam pasaka vamwe na kîrugo Kîam mîgate îrîa îtethagîrwa îkîrîtwe ndawa ya kwimbia, anene a athînjîri-Ngai, na arimû a Watho nîmaambîrîrie gûtuîria ûrîa mangînyita Jesû na nthitho nîguo mamûûrage.

Johana 11:47

Kwoguo Afarisai na anene a athînjîri-Ngai nîmaagomanire na Kîamma Kîam Ayahudi. Nao nîmaaûranirie atîrî, “Nîtwîka atîa? Mûndû ûyû nîararinga ciama nyîngî mûno!

Ciîko 4:24

Rîrîa etîkia meegwire ûvoro ûcio, nîmaavoire Ngai marî na ngoro îmwe makiugaga atîrî, “Mwathani na Mûmbi wa îgûrû na nthî, îria na indo cionthe irîa irî kuo!