Hosea 6:8 - ÎVUKU RÎA ÛVORO MWARO

⁸ Gileadi nî îtûûra rîa eki naaî, kwaragîte nthakame.

Hosea 6:8 ပူးပေါင်းရင်းမြစ်များ

2Sam 20:8

Rîrîa maakinyire îthigarî rîrîa înene rîrîa rîarî Gibeoni, Amasa nîwathiîre kûmatûnga. Joabu eekîrîte nguo cia mbaara na aarî na rûviû rûrî njûrarî arûovererete mûcivirî wake. Joabu athiîte, rûviû rwake nîrwagûîre nthî.

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

1Atha 2:5

“Taririkana ûrîa Joabu mûvîcî wa Zeruia aambîkire. Ke nîwaûragire anene aîrî a athigari a Isiraeli, Abineri mûvîcî wa Neri na Amasa mûvîcî wa Jetheri. Aamaûragire vîndî îrîa kwarî na thayû nîguo erîvîrîrie nîûndû wa ûrîa maaûraganîte vîndî îrîa kwarî na mbaara. Ke aaûragire andû mataarî na mavîtia na ûndû ûcio eekire ûkînjokerera, na nîguo ûtûmîte ngîe na mathîna.

Thaburi 10:8

Methithaga icagirî, metererete kûûraga andû matarî na mavîtia. Matuîragia andû arîa matarî na vinya,

Thaburi 141:4

Ndûkareke ngucîrîrua gwîka maûndû macûku, kana mbîka maûndû ma waganu. Ndûkareke nyitanîra na andû arîa mekaga maûndû ma waganu, kana ndîcanîra nao irugorî ciao.

Thaburi 59:2

Mvonokia kuuma kûrî andû acio aganu; mvonokia kuuma kûrî aûragani acio!

Isaia 59:6

Ta ûrîa rûûî rwa mbûmbûî rûtangîkîrwa ta nguo, andû matingîvota gwîkunîkîra na maûndû marîa makaga. Wîra wao nî wîra wa waganu, na mekaga maûndû mao na vinya.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Hosea 12:12

Jakovu nîwathiîre Aramu, na arî kûu, nîwarutire wîra wa kûrîthia mbûri nîguo agîe na mûka.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Ciîko 25:3

etîkîre Paûlo aretwe Jerusalemu nîûndû nîmaavangîte kûmûûraga arî njîrarî athiîte.

Josh 21:38

Kuuma mûvîrîgarî wa Gadi nîmaaveerwe Ramothu îtûûra rîrîa rîrî Gileadi (îtûûra rîmwe rîa kwîthitha), Mahanaimu,