Hosea 6:6 - ÎVUKU RÎA ÛVORO MWARO

⁶ Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Hosea 6:6 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 50:8

Ndiragûtetia nîûndû wa magongoona maku, matega ma kûvîvua marîa ûndutagîra vîndî cionthe.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Mûvunjia 5:1

Îîmenyagîrîre rîrîa ûkûthiî hekarûrî ya Ngai. Nîkava kûthiî kuo kûthikîrîria gûkîra kûruta magongoona ta ûrîa irimû ciîkaga, nîûndû irimû itimenyaga ngûrani ya ûndû mwaro na ûndû mûcûku.

Isaia 1:11

Ngai-Mûnene arauga atîrî, “Magongoona meengî marîa mûndutagîra nî ma kî? Nîrî mûnogu nî matega menyu ma kûvîvua ma ndûrûme, na maguta ma nyamû cienyu irîa noru. Ndikenagua nî nthakame ya ndegwa, ya ndûrûme kana ya nthenge.

Isaia 58:6

“Kwînyerekia kûrîa kûngenagia nî gûkû: kûthengutia mînyororo ya gûkinyanîrîria na ya kwimana kîvooto; kûrekereria andû arîa akinyîrîrie, na kûthengutia mînyororo ya mîthemba yonthe.

Jeremia 22:16

Nîwonanagia kîvooto kûrî ngîa na athîni, maûndû make nîmaagagîra. Gwîka ûguo nîkuo kûmenya Ngai-Mûnene.

Jeremia 7:22

Nîûndû vîndî îrîa narutire methe menyu Misiri, ndiamera ûndû kana nîmava watho wîgiî matega na magongoona ma kûvîvua.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Hosea 14:2

Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.

Hosea 2:20

Ta roria, na njîra ya wîvokeku nî ngakûvikia na nîûkaamenya atî nînie Ngai-Mûnene.”

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Amosi 5:21

Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Mika 6:6

Nîndûî ngaavirîra Ngai-Mûnene, Ngai wa îgûrû nîguo ngooce Ngai wa îgûrû? Ngaamûvirîra matega ma kûvîvua, ma tûregwa twa ûkûrû wa mwaka ûmwe?

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Mathaayo 12:7

Mandîko matheru maugîte atîrî, ‘Nie mendete andû megucanîre ntha gûkîra ûrîa mendete kûrutîrwa magongoona.’ Kethîrwa nama nwa mûmenye ûrîa ciugo icio ciugîte, mue mûtingîratuîra andû matarî na ûcuke.

Mathaayo 5:7

Kûrathimwa nî arîa megucanagîra ntha, nîûndû nîmakeguîrwa ntha!

Mathaayo 9:13

Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

Maariko 12:33

Na mûndû kwenda Ngai na ngoro yake yonthe, na ûûgî wake wonthe, na vinya yake yonthe, wana kwenda mûndû ûrîa mariganîtie nake wata ûrîa eyendete ke mwene, nîgûkîrîte kûrutîra Ngai magongoona ma kûvîvua wana ma mîthemba îrîa îngî yonthe.”

Josh 5:5

Andû acio onthe maaumîte Misiri nîmaaruithîtue, nwatî arîa maaciarîrwe werûrî andû mauma Misiri matiarî aruithie.

1Joh 2:3

Ethîrwa nwa twathîkîre maathani ma Ngai nwa twîthîrwe tûrî na ûma atî nîtûmûmenyete.

1Joh 3:6

Kwoguo mûndû wa wonthe ûtûûraga arî ûrûmwe na Kristû ndevagia nwatî mûndû wa wonthe wîvagia, ndaanamwona na ndamwîcî.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.