Hosea 6:5 - ÎVUKU RÎA ÛVORO MWARO

⁵ Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Hosea 6:5 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

1Atha 14:6

Nwatî rîrîa Ahija aamwîguîrîre mûrangorî aûkîte, nîwamwîrire atîrî, “Tonya, mûka wa Jeroboamu. Ûretua mûndû wîngî nîkî? Nîrî na ndûmîrîri yaku îtarî mbaro.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

1Atha 19:17

Mûndû ûrîa ûkaavonoka kûûragwa nî Hazaeli nîakaaûragwa nî Jehu, na mûndû ûrîa ûkaavonoka kûûragwa nî Jehu nîakaaûragwa nî Elisha.

2Atha 1:16

na akîra mûthamaki atîrî, “Ngai-Mûnene akwîrîte atî nîûndû nîwatûmire anjaama makaûrie ûtaaro kûrî Baalizebubu, ngai ya Ekironi takwa Isiraeli gûtarî ngai îngîûrua ûtaaro, we tîûvora mûrimû ûyû waku, nwatî nîûgûkua!”

2Maû 21:12

Mûrathi Elija nîwatûmîre mûthamaki Jehoramu maarûa akîmwîra atîrî, “Ngai-Mûnene, Ngai wa aguo Daudi augîte atî, we ndwîthîrîtwe na mîthiîre ta ya aguo Jehoshafati kana Asa, mûthamaki wa Juda.

Ayubu 15:30

Ndakaaûrîra nduma, agekara ta mûtî ûrîa matheûka maguo mavîvagua nî mwaki, na marao maguo makagûrûkua nî rûkûngi.

Ayubu 34:10

“Kwoguo ta nthikîrîriani mue arîa mûrî na mbuguîro, Ngai ndangîka ûndû macûku. Ngai mwene vinya wonthe ndangîka naaî.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 37:6

Nîagaatûma ûthingu waku ûkenge ta ûtheri, na wega waku ta riûa rîarîte mûthenya.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 1:18

Taroria, ûmûnthî nîngûgûtua îtûûra ririgîre, gîtugî gîa cuuma na rûthingo rwa gîcango, nîguo wîtîkîre atongoria onthe a vûrûri, athamaki a Juda, anene onthe, athînjîri-Ngai onthe, na andû onthe a vûrûri ûcio matigakûvoota.

Jeremia 13:13

Nîûgacoka ûmeere atî, Ngai-Mûnene arauga nîagaatûma andû a vûrûri ûyû marîwe nî ndivei, athamaki onthe arîa maatuîkire athani vandûrî va Daudi, athînjîri-Ngai, arathi na atûûri onthe a Jerusalemu.

Jeremia 23:29

Ngai-Mûnene arauga atî, kiugo gîakwa nîta mwaki; nîta nyondo îrîa yatûranagia mathiga magatuîka icunjî.

Jeremia 5:14

Ngai-Mûnene mwene vinya wonthe arauga atîrî, “Nîûndû nîmarîtie maûndû mau, rîu nîngûtûma ciugo ciakwa ciîkare ta mwaki kanyuarî gaku, na andû matuîke ta ngû, naguo mwaki ûmavîvie.”

Ezek 11:4

Kwoguo we mûndû, marathîre rîu ûndû ûreganîte nao.”

Ezek 3:9

Nîngatûma ûthiû waku ûme ta îthiga rîrîa rîûmû mûno. Ndûgetigîre kana ûmakue nîo nîûndû nî andû aremi.”

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Ezek 43:3

Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Zefania 3:5

Nwatî Ngai-Mûnene ûrîa ûrî îtûûrarî rîu nî mwîvokeku, ekaga maûndû marîa magîrîru nwatî tî marîa macûku. Onanagia kîvooto wa kîraûko kûrî andû ake. Kûnarî ûguo, arîa aganu mathiîcaga na mbere gwîka naaî matarî na nthoni.

Ciîko 7:31

Musa nîwamakire mûno rîrîa oonire ûguo. Na rîrîa aakuvîvîrie nîguo one waro, nîwegwire mûgambo wa Mwathani ûkiuga atîrî:

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Aefeso 6:17

Amûkîrani ûvonokio ta arî yo ngovia yenyu ya cuuma ya kûgitîra kîongo, na kiugo Kîam Ngai ta arî ruo rûviû rûrîa Roho amûvecaga.

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 2:16

Rîu îrireni! Ethîrwa mue tîmwîrira, nie nîngûka kûrî mue narua na ndûe na andû acio na rûviû rûrîa rumaga kanyuarî gwakwa.

Kûguû 9:15

Kwoguo araika acio ana nîmaarekererue. Araika acio maaigîtwe mavarîrîtue nîûndû wa îthaa rîîrî, mûthenya ûyû, mweri ûyû, na mwaka ûyû nîguo mavote kûûraga gîcunjî kîmwe Kîam ithatû Kîam andû arîa marî gûkû nthî.

Kûguû 9:21

Andû acio matierira ûûragani wao, ûragûri wao, maûndû mao ma ûtharia kana wîi wao.

1Sam 13:13

Nake Samueli nîwerire Saûlo atîrî, “Ûcio nî ûrimû wîkire, we ndûnathîkîra rîathani rîrîa Ngai-Mûnene, Ngai waku aakwathire wathîkagîre. Kethîrwa we nîwathîkire, Ngai-Mûnene nîangîatûma we mûrî na andû a mûciî waku mûtuîke athamaki a andû a Isiraeli tene na tene.

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.

1Sam 15:32

Samueli nîwathanire akiuga atîrî, “Tandetereni Agagi, Mûthamaki wa Amaleki ava.” Nake Agagi nîwathiîre kûrî Samueli aûmîrîrîtie akîîraga na ngoro atîrî, “Nama ûrûrû wa gîkuû nîmûthiru.”

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.