Hosea 6:1 - ÎVUKU RÎA ÛVORO MWARO

¹ Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Hosea 6:1 ပူးပေါင်းရင်းမြစ်များ

2Maû 30:6

Kwoguo anjaama nîmaathiîre Isiraeli na Juda kuonthe marî na maarûa kuuma kûrî mûthamaki na anene ake. Maarûa icio ciandîkîtwe atîrî, “Mue andû a Isiraeli ûkani kûrî Ngai-Mûnene, Ngai wa Iburahimu, Isaka na Jakovu. Nake Ngai nîagûka kûrî mue, arîa mwatigarire vîndî îrîa mwatharîkîrwe nî athamaki a Asîria.

Ayubu 16:9

Anducangîte icunjî icunjî nî kûrakara na akanthûûra, nthû yakwa îngûûrîrîte metho nî marakara.

Ayubu 22:23

Ûngîcokerera Ngai mwene vinya wonthe na wînyivie, na ûthengutie waganu ûrîa wîkagwa gwaku mûciî;

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Ayubu 5:18

Nîûndû ke nîativagia nwatî nîacokaga akamwova, na nîatemaga mûndû na akamûvonia.

Thaburi 30:7

Nîûndû wa wega waku we Ngai-Mûnene, nîwatûmire nîkindîrie ta kîrîma kînene. Nwatî nîwethithire kûraca nanie, nanie nînaîtigîre.

Thaburi 6:2

Ûûi Ngai-Mûnene, mbîguîra ntha nîûndû nîrî mûthiru vinya! Mbîkîra vinya, nîûndû nîrî mûthiru vinya viû,

Thaburi 71:20

We nîûtûmîte mone mathîna na mînyamaaro, nwatî nîûkûnjokeria vinya wakwa rîngî; na ûngirie ndikathiî mbîrîrarî.

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Isaia 17:7

Mûthenya ûcio, andû nîmakaaroria ûrîa Wamaûmbire na magarûrûkîre Ûrîa Mûtheru wa Isiraeli.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 30:12

Ngai-Mûnene arauga atîrî, “Ngurara ciaku itingîvora, na ironda cienyu itingîthondekeka.

Jeremia 30:17

“Nîngamûcokeria vinya wenyu, na nîmûvonie ironda cienyu, wana ethîrwa mamwîtaga, ‘Mûru.’ ‘Îtûûra rîa Zayuni rîtarî mûndû wa kûrîmenyerera!’ Nie Ngai-Mûnene nînie nauga ûguo.”

Jeremia 33:5

Andû nîmaakageria kûrûa na Akalidei, nwatî matikavota nîûndû marima ma kwîthitha nî magecûra ciimba cia andû arîa ngaûraga nîrî na marakara na mang'ûrîka. Nîngamatiganîria nîûndû wa wîvia ûcio wonthe mekîte.

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Jeremia 50:4

Ngai-Mûnene arauga atîrî, “Îvinda rîu rîakinya, andû a Isiraeli na Juda nîmakaagomana vamwe makîrîraga, makînjaragia nie Ngai-Mûnene, Ngai wao.

Jeremia 50:5

Nîmakaûrîrîria njîra ya kûthiî Zayuni, merekerete kuo makiugaga, ‘Ûkani tûrûthe kîrîkanîro na Ngai-Mûnene kîrîa gîtakaariganîra.’

Maca 3:11

Angururirie akînduta njîrarî, akîndarûranga tûnuku akînandiganîria.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Hosea 12:6

Nwatî nwa nginya ûcokerere Ngai waku, tongoraguani nî wendo na kîvooto, îîvokageni Ngai wenyu vîndî cionthe.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Alawi 14:48

Nwatî rîrîa mûthînjîri-Ngai angîthiî kûroria na one atî nyomba tî nyite nî gîko kîu rîngî vuva wa kûthingwa, nî akaauga atî nyomba îo nî ntheru, nîûndû gîko nî kîthiru.

Zefania 2:1

Ûnganani vamwe na mûgomane, mue rûrîrî rûtarî nthoni,

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”