Hosea 5:5 - ÎVUKU RÎA ÛVORO MWARO

⁵ Mwîtîîo wa andû a Isiraeli ûrî ûtherirî; andû a Efiraimu nîmavîngîcwa nî mevia mao, wanao andû a Juda nîmavîngîcwa vamwe nao.

Hosea 5:5 ပူးပေါင်းရင်းမြစ်များ

Nthi 11:21

Menyani nama atî nwanginya andû arîa acûku makaaverithua, nwatî andû arîa athingu nîmakaavonokua.

Nthi 11:5

Ûthingu nîûtûmaga mûndû agîe na mûtûûrîre mwaro, nwatî mûndû mwaganu agwîthagua nî waganu wake.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Nthi 24:16

Andû arîa athingu nîmagûcaga maita meengî na magaûkîra, nwatî andû arîa aganu nîmacûkangagua nî mathîna.

Nthi 30:13

Kûrî andû meyonaga marî aro mûno, na kaî nîmeyonaga marî aro î!

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 59:12

Nîûndû nîtûkûvîtîrîtie mûno. Mevia metû nîmaratûthitanga, nîûndû tûthiîcaga tûkuuîte mavîtia metû, na nîtîcî mawîvia metû monthe.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 14:2

Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.

Hosea 4:5

Mûthenya we nîûkaavîngwa, nake mûrathi nîakaavîngwa vamwe nawe ûtukû. Nîngacûkangia nyûkwe Isiraeli.

Hosea 5:14

Nie ngethîrwa mbîkariî ta mûnyambû kûrî Efiraimu, ngethîrwa mbîkariî ta kaana ka mûnyambû kûrî Juda. Nie mwene nîngamatarûranga tûnuku ngînathiî, nîngamoca na gûtirî mûndû ûkaamavonokia.

Hosea 7:10

Mwîtîîo wa andû a Isiraeli nî mûcûku wao. Kûnarî ûguo matingînjokerera nie Ngai Mûnene Ngai wao, wana matingînjaria manekîte maûndû mau monthe.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Amosi 5:2

We nthingi Isiraeli nîûgwîte na ndûngîûkîra rîngî, ûtigîtwe ûrî wenga vûrûrirî waku, gûtirî wanarî mûndû wa gûkûrûngamia.

Mathaayo 23:31

Kwoguo mue nîmwîtîkagîra atî mûrî a rûciaro rwa andû arîa maaûragire arathi!

Luka 19:22

Nake mûnene ûcio nîwamîrire atîrî, ‘We ndungata îno mbaganu! Mîario îo waria na kanyua kau gaku, nwayo ngûgûtuîra nayo! Kwoguo nîwecî atî nie nîrî mûndû wa ngoro nyûmû, mûndû wocaga kîrîa atathithinîrîte na agaketha kîrîa atavandîte!