Hosea 5:3 - ÎVUKU RÎA ÛVORO MWARO

³ Nîmbicî andû a Efiraimu, andû a Isiraeli matingînîthitha. Mue andû a Efiraimu nîmwîkîte maûndû ma ûtharia, andû onthe a Isiraeli nîmegwatîtie mûgiro.

Hosea 5:3 ပူးပေါင်းရင်းမြစ်များ

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Isaia 7:17

“Ngai-Mûnene nîagaakûretere we, andû aku, na andû a nyomba ya aguo yonthe mavinda ma thîna, îrîa îtanoneka rîngî kuuma rîrîa andû a Isiraeli maamûkanire na andû a Juda; thîna ûcio ûkaaumana na mûthamaki wa Asîria.

Isaia 7:5

Asîria, manyitanîrîte na Aisiraeli na mûthamaki maarî na mûvango wa gûgwîka naaî makiugaga atîrî,

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Hosea 13:5

Nînie namûmenyerere rîrîa mwarî werûrî; vûrûri ûrîa warî mûmagaru na ûtarî na manjî.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Hosea 5:13

Rîrîa andû a Efiraimu mamenyire kûrîa marwarîte, na andû a Juda makîona ironda ciao, andû a Efiraimu nîmaathiîre Ashuru, kûvoya ûtethio kûrî mûthamaki mûnene; nwatî mûthamaki ndavota kûmathondeka, wana ndavota kûvonia ironda ciao.

Hosea 5:9

Mûthenya ûrîa ngaaverithania Efiraimu gûgatuîka ta werû! Maûndû marîa nîranîrîra gatagatî ka mîvîrîga ya Isiraeli, nama nî maûndû magatuîkîka.

Hosea 6:10

Nîmonete ûndû mûcûku mûno gatagatî ka andû a Isiraeli; andû a Efiraimu mavinyûraga gûtungatîra ngai wîngî, nama, andû a Isiraeli nîmegwatîtie mûgiro.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Hosea 8:11

“Andû a Efiraimu nîmatumîte metha nyîngî mûno cia magongoona, kûu metharî icio cia magongoona nîkuo waganu wîngîvîrîte.

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Gûco 33:17

Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 3:15

Nie nîmbicî ciîko cienyu atî mûtirî aviû kana avoru. Wana nî kava mûviûve kana mûvore.