Hosea 5:2 - ÎVUKU RÎA ÛVORO MWARO

² Nîmenjîte îrima îraca rîa kûmûnyita kûu Shitimu. Nwatî nie nîngamûverithia muonthe.

Hosea 5:2 ပူးပေါင်းရင်းမြစ်များ

Isaia 1:5

Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 6:28

Onthe nî aremi na marî ngoro nyûmû, mathiîcaga makîgutanaga, maûmîte ta gîcango na cuuma, onthe matiîkaga maûndû ma ûûma.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Hosea 6:9

Ta ûrîa acunani methithagîra mûndû njîrarî, nwata guo athînjîri-Ngai mekaraga ikundi makavîrîte andû. Maûragagîra andû njîrarî ûthiîte Shekemu, nama, nîmekaga maûndû macûku mûno.

Hosea 9:15

Ngai-Mûnene arauga atîrî, “Nîûndû wa waganu wao ûrîa wambîrîrie Giligali; kûu nîkuo nambîrîrie kûmamena. Nîûndû wa maûndû marîa mekaga ma mevia, nîngamengata maume nyombarî yakwa. Nie ndikamenda rîngî. Atongoria ao onthe nî aregani

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.