Hosea 5:10 - ÎVUKU RÎA ÛVORO MWARO

¹⁰ Atongoria a Juda mekariî ta andû arîa macenjagia mîvaka ya Mîgûnda. Nie nîngametîrîria marakara makwa ta manjî.

Hosea 5:10 ပူးပေါင်းရင်းမြစ်များ

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 69:24

Maverithia ûrî na marakara, maromanyita nî marakara maku meengî.

Thaburi 88:17

Manthiûrûrûkagîria ta mwîcûro wa manjî mûthenya mûgima, mandigicîrîtie na mîena yonthe.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Nthi 22:28

Ndûkagendagendie mûkûmbû kuuma varîa ûtûûraga, ûrîa wekîrirwe nî methe menyu.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Ezek 22:22

Wata ûrîa sîlûva îrarûragwa na mwaki, nwaguo mûkaararûrwa mûrî gatagatî ka îtûûra na nîmûkaamenya atî nînie Ngai-Mûnene mbîtûrûrîte marakara makwa kûrî mue.”

Ezek 7:8

“Kavinda gatarî karaca nîngûmwîtûrûrîra marakara makwa. Nîmûtuîre ciira kûringana na mîthiîre yaku, na nîûgacokererwa nî maûndû menyu monthe macûku.

Mathaayo 7:27

Mbura nîyaurire, nyûnjî ikiuna, ngûngi ikîvurutana na ikîringa nyomba îo na vinya. Nayo nîyagwîre na vinya îkîvaragana!”

Luka 6:49

Nwatî mûndû wa wonthe ûrîa wîgucaga ciugo ciakwa na akarega gûciathîkîra ekariî ta mûndû ûrîa watumire nyomba atambîte kûthondeka mûcingi. Vîndî îrîa rûnjî rwaunire na manjî maruo makîringa nyomba îo na vinya, nyomba îo nîyomomokire wa rîmwe. Nyomba îo nîyomomokire na vinya îkîvaragana.”

Gûco 19:14

“Mûtikagendagendie mîvaka ya arîa mûriganîtie nao, îrîa yekîrirwe tene vûrûrirî ûrîa Ngai-Mûnene Ngai wenyu akûmûva mwîgwatîre.

Gûco 27:17

“ ‘Kûnyitwa nî kîrumi nî mûndû ûrîa ûgendagendagia mûkûmbû wa mûndû ûrîa mariganîtie nake.’ “Nao andû onthe nîmakaauga, ‘Ameni!’