Hosea 4:4 - ÎVUKU RÎA ÛVORO MWARO

⁴ Ngai-Mûnene arauga atîrî, “Mûndû wana ûrîkû ndagatetie andû kana amacirithie. Nîûndû nînie ndetagia athînjîri-Ngai.

Hosea 4:4 ပူးပေါင်းရင်းမြစ်များ

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Ezek 3:26

Nîngatûma rûrîmî rwaku rûtuîke rûrito na nîûkaaremwa nî kwaria nîguo ndûgakanie andû acio aremi.

Hosea 4:17

Andû a Efiraimu nîmeovanîtie na mîvuano. Tigana nao!

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Amosi 5:13

Kwoguo, nîgûkethîrwa na mavinda macûku na nginya mûndû ûrîa mûûgî nîagaakira kivi.

Amosi 6:10

Mûndû ûrîa makonenie na ûcio mûkuû angîgaaûka kûruta kimba nyomba nîguo akîvîvie, nîakeera ûrîa ûkethîrwa atigîtwe nyomba atîrî, “Kûrî mûndû mûrî nake kûu nyomba?” Nake nîagaacokia auge atîrî, “Naarî!” Nake nîakaauga atîrî, “Kira, tûtiagîrîrwe nî kûgweta rîîtwa rîa Ngai-Mûnene.”

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.