Hosea 4:3 - ÎVUKU RÎA ÛVORO MWARO

³ Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”

Hosea 4:3 ပူးပေါင်းရင်းမြစ်များ

Isaia 33:9

Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.

Jeremia 12:4

Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”

Jeremia 23:10

Nîûndû vûrûri wîcûrîtwe nî itharia nîûndû wa irumi, vûrûri nî ûracakaya, na nyaki ya kûrîthia werûrî nî nyûmû. Mîthiîre yao nî îno mîcûku, matûmagîra vinya wao na njîra îtagîrîrîte.

Jeremia 4:25

Nînaroririe na ngîona gûtarî wanarî mûndû, wana iconi cionthe ciarî ngûrûku.

Jeremia 9:10

Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Jeremia 9:9

Nwa ndege kûmaverithia nîûndû wa maûndû mama? Nwa ndege kwîrîvîrîria kûrî rûrîrî ta rûrû?” Ûguo nîguo Ngai-Mûnene arauga.

Ezek 38:20

Nthamaki irî îriarî, iconi irîa igûrûkaga na nyamû cia kîthakarî, ciûmbe irîa ikurumaga na andû onthe a nthî, nîmakaainaina mamona. Irîma nîikomomorwa, nguva nîikomomoka na nthingo cionthe igwe nthî.

Joeli 1:18

Nyamû nîkwa irania nî kîeva! Ndîthia cia ng'ombe nîirathînîka, nîûndû gûtirî na kûndû gwa kûrîthua, wana ndîthia cia ng'ondu nîirathînîka.

Amosi 1:2

Amosi nîwaugire atîrî, Ngai-Mûnene nîararama arî kîrîmarî gîa Zayuni; na akaruruma arî Jerusalemu, wana nyaki ya arîthi nîraûma. Nyaki îrîa îrî kîrîmarî gîa Karimeli nîîravova.

Amosi 5:16

Kwoguo Ngai-Mûnene, Mwene vinya wonthe arauga atîrî, “Nîgûkethîrwa na kîeva na kîrîro icagirî na matûûrarî monthe. Andû nîmagacakaya makiugaga, ‘Ûûi! Ûûi!’ Arîmi nîmagetwa wana arîa marîvagwa gûcakaya mathiî magacakaîre arîa akuû.

Amosi 8:8

Nîûndû wa gîtûmi gîkî, nthî nîkainaina, na mûndû wa wonthe ûtûûraga nthî acakae. Vûrûri wonthe nîûgecûra ta rûnjî rwa Nilo, ûgaaikanagia ta rûnjî rwa Nilo.”

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Zefania 1:3

Andû, nyamû, iconi cia rîerarî na nthamaki cia îriarî; cionthe nîngaicûkangia. Andû arîa aganu nîngamacûkangia viû; andû onthe nîngamathiria gûkû nthî.

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”