Hosea 4:19 - ÎVUKU RÎA ÛVORO MWARO

¹⁹ Kwoguo kîvurutano nîgîkûmagûrûkia, nao nîmakegua nthoni nîûndû wa kûrutîra ngai cia mîvuano magongoona.

Hosea 4:19 ပူးပေါင်းရင်းမြစ်များ

Isaia 1:29

Nîmûkeguîra nthoni mîvuru îrîa mwakenagîra; na nîmûgaaconoka nîûndû wa mîgûnda îrîa mwethuurîre.

Isaia 42:17

Arîa onthe mevokete mîvuanano, arîa metaga mîvuanano ya kumua ngai ciao, nîmagaacokithua na maconorithue.”

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 51:1

Ngai-Mûnene arauga atîrî, “Nîngûretera vûrûri wa Babuloni na andû a kuo, rûkûngi rûnene rwa kûmacûkangia.

Hosea 10:10

Nîngaûka kûrî andû aya aganu na nîmaverithie. Mavûrûri nîmakaûngana mamatharîkîre, makaverithua nîûndû wa mevia mao meengî.

Hosea 10:6

Mûviano ûcio nîûkaavirwa Asîria, ûrî ta gooti kûrî mûthamaki mûnene. Andû a Efiraimu nîmagaconorithua, Andû a Isiraeli nîmagaconoka nîûndû wa mûviano wao.

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.