Hosea 4:1 - ÎVUKU RÎA ÛVORO MWARO

¹ Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 4:1 ပူးပေါင်းရင်းမြစ်များ

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

Thaburi 81:9

Mûtikaagîe na ngai ng'eni gatagatîrî kenyu. Mûtikagooce ngai îngî.

Isaia 1:10

Thikîrîriani ûrîa Ngai-Mûnene arauga mue anene a Sodomu! Thikîrîriani ûrîa Ngai wetû arathomithania mue andû a Gomora!

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 28:14

Kwoguo mue andû aya ang'endu mue mwathaga andû mûrî Jerusalemu, thikîrîriani ûrîa Ngai-Mûnene arauga!

Isaia 34:1

Mue andû a mavûrûri monthe ma nthî ûkani vakuvî mwîgue, mue andû a ndûrîrî cionthe ta thikîrîriani! Nthî ta nîîthikîrîrie, wana indo cionthe irîa ciîcûrîte kuo; nthî, wana indo cionthe irîa ciumaga kuo ta nîithikîrîrie.

Isaia 34:8

Nîûndû Ngai-Mûnene arî na mûthenya wa kwîrîvîrîria, mwaka ûrîa akarîvîrîria Zayuni kuuma kûrî nthû ciayo.

Isaia 5:3

Kwoguo rîu mûrata wakwa arauga atîrî, “Mue andû arîa mûtûûraga Jerusalemu na andû a Juda, nînîramûthaitha mûtue cira gatagatîrî gakwa na mûgûnda wakwa wa mîthavibu.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Isaia 59:8

Mûtiîciragia maûndû ma thayû, wana kana mûrûmîrîra maûndû ma kîvooto. Mwîrûthîrîte njîra cia ungumania, na gûtirî mûndû ûvîtûkagîrîra njîrarî icio wîgucaga arî na thayû.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 11:7

Nîûndû rîrîa narutire methe mao Misiri, nînamerire na kinyi mambathîkîre na nginya ûmûnthî nînîmeraga mambathîkîre.

Jeremia 19:3

Nîûkauga atîrî, ‘Mue athamaki a Juda na atûûri onthe a Jerusalemu ta thikîrîriani ûrîa Ngai-Mûnene, mwene vinya wonthe na Ngai wa Isiraeli arauga; nama nîngûrete mûthiro mûnene mûno vandû ava, nîguo mûndû ûrîa ûkegua ûvoro wake akamaka mûno.

Jeremia 2:4

Thikîrîriani ndûmîrîri ya Ngai-Mûnene, mue njiarwa cia Jakovu na mîvîrîga yonthe ya Isiraeli.

Jeremia 2:9

Kwoguo nie Ngai-Mûnene nîrî na ciira namue, na nîngacirithia njiarwa cienyu.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Jeremia 34:4

Nwatî we Zedekia Mûthamaki wa Juda, tathikîrîria ûrîa nie Ngai-Mûnene nîrauga îgûrû rîaku: We ndûkaûragîrwa mbaararî.

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 4:28

Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.

Jeremia 5:4

Nanie nînacokire ngiuga atîrî, “Aya nî andû athîni na matirî ûûgî! Nîûndû matiîcî maûndû marîa Ngai-Mûnene endaga, na matiîcî watho wa Ngai wao.

Jeremia 51:5

Nîûndû nie Ngai-Mûnene mwene vinya wonthe, ndirî mûtiganîriu andû a Isiraeli na a Juda, wana ethîrwa vûrûri wao na wa Akalidei nîûvîtîrîtie Ûrîa Mûtheru wa Isiraeli.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 7:28

Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Jeremia 9:20

Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Jeremia 9:7

Kwoguo Ngai-Mûnene mwene vinya wonthe arauga atîrî, “Taroria andû akwa nî evia, nîngûmatheria na nîmagerie, nîûndû gûtirî ûndû wîngî nîngîmeka.

Ezek 16:35

We îraa rîrî, rîu thikîrîria ciugo cia Ngai-Mûnene!

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hosea 12:3

Mbere ya Jakovu aciarwe nîwagianire na mûrwang'ina; na atuîka mûndû mûgima nîwagianire na Ngai.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Hosea 5:4

Ciîko ciao itingîmetîkîria gûcokerera Ngai wao. Nîûndû mecûrîtwe nî ngumba ya ûmaraa; matimbicî nie Ngai wao.

Joeli 1:2

Thikîrîriani mue andû akûrû; thikîrîriani mue muonthe mûtûûraga nthî! Nîkûrî ûndû ta ûyû wanoneka mûtûûrîrerî wenyu, kana vîndî ya njiarwa cienyu?

Amosi 3:1

Mue andû a Isiraeli, tathikîrîriani ndûmîrîri îrîa Ngai-Mûnene arîtie îmwîgiî mue arîa onthe aarutire vûrûri wa Misiri.

Amosi 7:16

Kwoguo rîu Amazia thikîrîria ndûmîrîri ya Ngai-Mûnene. Ûmbîraga ndikarathîre andû a Isiraeli na ndikavunjîrie andû a nyomba ya Isaka.

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:29

Mûndû wa wonthe ûrî na matû ma kwîgua nîathikîrîrie ûrîa Roho areera makanitha!