Hosea 3:5 - ÎVUKU RÎA ÛVORO MWARO

⁵ Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Hosea 3:5 ပူးပေါင်းရင်းမြစ်များ

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

Isaia 17:7

Mûthenya ûcio, andû nîmakaaroria ûrîa Wamaûmbire na magarûrûkîre Ûrîa Mûtheru wa Isiraeli.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 60:5

Nîûkoona ûguo, na wîcûrwe nî gîkeno, ngoro yaku nîgaacanjamûka nî gûkena, nîûndû ûtonga wa ndûrîrî nîûkaaretwe kûrî we, ûtonga wa îriarî nîûkaaretwe kûrî we.

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 30:24

Ngai-Mûnene ndagaacokithia marakara make, nginya rîrîa akavingia ûrîa avangîte gwîka. Vuvarî nîmûgaataûkîrwa nî maûndû mau.

Jeremia 30:9

Nwatî nîmakaandungatîra nie Ngai-Mûnene Ngai wao, na matungatîre ûmwe wa njiarwa cia mûthamaki Daudi, ûrîa ngamathuurîra atuîke mûthamaki.

Jeremia 33:17

Nîûndû nie Ngai-Mûnene nîrauga atî, gûtigatura mûndû wa rûciaro rwa Daudi wa kwathana Isiraeli,

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Hosea 1:11

Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Hosea 5:6

Nîmakaathiî na ikundi ciao cia ng'ombe na ng'ondu, gûcaria Ngai-Mûnene; nwatî matikamwona, nîûndû ke nîmûmatiganîriu.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Amosi 9:11

Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.

Mika 4:1

Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.