Hosea 14:3 - ÎVUKU RÎA ÛVORO MWARO

³ Vûrûri wa Asîria ndûgatûvonokia wana kana mbarathi cietû cia mbaara itûvonokie tûrî mbaararî. Tûtigeta mîvuanano îrîa tûmbîte na njara cietû ‘Ngai wetû.’ We nîwe wîgucagîra ciana cia ngoriai ntha.”

Hosea 14:3 ပူးပေါင်းရင်းမြစ်များ

2Maû 16:7

Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 146:3

Ndûkaige mwîvoko waku kûrî anene, ndûkaige mwîvoko waku kûrî mûndû, ndangîkûvonokia.

Thaburi 146:9

Ngai-Mûnene nîagitagîra ageni, nîatethagia aka a ndigwa na ciana cia ngoriai; nwatî nîacûkangagia andû arîa aganu.

Thaburi 33:17

Mbarathi cia mbaara itingîvotithia mûndû kûvootana, vinya wa cio mûnene ndûngîvonokia mûndû.

Thaburi 68:5

Ngai ûrîa ûtûûraga hekarûrî yake ntheru, nîke îthe wa ciana cia ngoriai na mûgitîri wa aka a ndigwa.

Isaia 1:29

Nîmûkeguîra nthoni mîvuru îrîa mwakenagîra; na nîmûgaaconoka nîûndû wa mîgûnda îrîa mwethuurîre.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Isaia 30:16

Vandû va ûguo mue mwaugire atîrî, “Naarî! Tue tûkaavinyûra tûtwîte mbarathi irîa irî îvenya.” Îî nîguo, nîmûkaavinyûra na mbarathi irîa irî îvenya, nwatî arîa makaamûvinyûria makethîrwa matwîte mbarathi irî na îvenya makîria!

Isaia 30:2

Ciambagîrîria rûgendo ithiîte Misiri itambûrîtie ûtaaro, ithiîte gûcaria ûgitîri wa mûthamaki wa Misiri, na ikathiî gûcaria gwa kwîthitha vûrûrirî wa Misiri!

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Isaia 36:8

Ûka rîu mwarîrîrie na mwathi wakwa, mûthamaki wa Asîria. Nîngûkûva mbarathi ngiri igîrî (2,000) ethîrwa ûrî na andû a kûthiîcaga maitwîte.

Jeremia 49:11

Ndigîrani ciana cienyu cia ngoriai na ngaimenyagîrîra; tigani aka enyu a ndigwa maige mwîvoko wao kûrî nie.”

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 37:23

Matigaacoka kwîgwatia mûgiro na ngai icio ciao cia mîvuanano rîngî na maûndû marîa nie nthûrîte, kana na mavîtia mao. Nwatî nîngaamavonokia kuuma kûrî maûndû monthe marîa matûmaga mevie na maregane nanie na nîmatherie. Magaatuîka andû akwa, nanie nduîke Ngai wao.

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Hosea 2:17

Nîûndû ndigetîkîra marîtwa ma ngai cia Baali magwetwe kanyuarî gake.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 5:13

Rîrîa andû a Efiraimu mamenyire kûrîa marwarîte, na andû a Juda makîona ironda ciao, andû a Efiraimu nîmaathiîre Ashuru, kûvoya ûtethio kûrî mûthamaki mûnene; nwatî mûthamaki ndavota kûmathondeka, wana ndavota kûvonia ironda ciao.

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Hosea 8:6

Nwa ta guo mwîkariî wanamue andû a Isiraeli! Mûvundi nîke warûthire mûvianano ûcio. Tî yo Ngai. Mûviano ûcio wa njaû wa Samaria nîûkaunangwa icunjî icunjî!

Hosea 8:9

nîûndû nîmaathiîre kûvoya ûtethio kûrî Asîria. Efiraimu îkariî ta nyûmbû îkîûrûra yonga; Efiraimu nîmwîendiu kûrî arata ake.

Jona 2:10

Vuva wa ûguo, Ngai-Mûnene nîwacokire akîatha nthamaki îtavîke Jona rûtererî rwa îria, na nîyekire guo.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Johana 14:18

“Nie ndikûmûtiga ta ciana cia ndigwa; ngaamûcokerera.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.