Hosea 14:1 - ÎVUKU RÎA ÛVORO MWARO

¹ Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 14:1 ပူးပေါင်းရင်းမြစ်များ

2Atha 8:12

Hazaeli nîwaûririe Elisha atîrî, “Mwathi wakwa, ûrarîra nîkî?” Nake Elisha nîwacokerie Hazaeli atîrî, “Nîûndû nîmbîcî maûndû macûku marîa ûgeeka andû a Isiraeli: nîûkavîvia matûûra mao marîa magitîre, ûûrage anake ao, ûûrage ciana ciao, na nîûgaatarûra nda cia aka a Isiraeli arîa marî mavu.”

Isaia 19:22

Ngai-Mûnene nîakaaverithia andû a Misiri, acoke amavonie; nao nîmakaamûcokerera nake nîakegua mathaithana mao na amavonie.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 4:1

Ngai-Mûnene arauga atîrî, “Mue andû a Isiraeli mûngîenda kûnjokerera njokererani. Mûngîruta indo irîa irî mûgiro mbere yakwa na mûtuîke evokeku kûrî nie,

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 16:46

“Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ezek 33:14

Wana rîngî nwambîre mûndû mwaganu atî, ‘Nama we nîûgaakua.’ Kûnarî ûguo angîgarûrûka atige kwîvia na acoke gwîka maûndû ma kîvooto na marîa magîrîru,

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Hosea 12:6

Nwatî nwa nginya ûcokerere Ngai waku, tongoraguani nî wendo na kîvooto, îîvokageni Ngai wenyu vîndî cionthe.

Hosea 12:8

Efiraimu etîîaga akiugaga atîrî: “Nie nî mûtongu! Nînîcarîrîtie ûtonga mwîngî mûno! Gûtirî mûndû ûngiuga atî nagîre ûtonga ûyû na njîra ya maveeni, nie ndianaîa!”

Hosea 13:9

Nîngûmûcûkangia mue andû a Isiraeli; nû ûngîmûtethia?

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Hosea 5:5

Mwîtîîo wa andû a Isiraeli ûrî ûtherirî; andû a Efiraimu nîmavîngîcwa nî mevia mao, wanao andû a Juda nîmavîngîcwa vamwe nao.

Hosea 6:1

Ûkani tûcokerere Ngai-Mûnene; ke mwene nîatûgurarîtie, nwatî wake mwene nîagûtûvonia. Ke mwene nîatûtivangîtie, nwatî ke mwene nîagûtûthondeka kûrîa tûtivangîtue.

Hosea 9:13

We Isiraeli, rîrîa nacemanirie nawe rîa mbere, nonire wîkariî ta mûkîndû ûvandîtwe mûgûndarî mûnoru. Nwatî rîu we Isiraeli nîwatongorerie ciana ciaku ikaûragwe.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.