Hosea 13:10 - ÎVUKU RÎA ÛVORO MWARO

¹⁰ Mûthamaki wenyu arîkû rîu nîguo amûvonokie? Atongoria enyu marî kû nîguo mamûgitîre? Nîmue mwavoire atîrî, ‘Tûve mûthamaki na anene nîguo matwathage.’

Hosea 13:10 ပူးပေါင်းရင်းမြစ်များ

1Atha 12:20

Rîrîa andû a Isiraeli meegwire atî Jeroboamu aarî mûcoku kuuma Misiri, nîmaamûtûmanîre na makîmwîta varîa maaûnganîte na makîmûtua mûthamaki wa Isiraeli kuonthe. Gûtirî andû engî maarûmîrîre andû a nyomba ya Daudi tiga andû a mûvîrîga wa Juda.

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

Thaburi 10:16

Ngai-Mûnene nî mûthamaki tene na tene, andû arîa magoocaga ngai ciîngî nî makaathira vûrûrirî wake.

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 44:4

We wî mûthamaki wakwa na Ngai wakwa; nîwe ûvotithagia njiarwa cia Jakovu kûvootana.

Thaburi 74:12

Kûnarî ûguo, we Ngai ûrî mûthamaki wetû kuuma tene; nîwîthîrîtwe ûgîka maûndû meengî ma gûtûvonokia.

Thaburi 89:18

We Ngai-Mûnene, vinya ûrîa ûtûgitagîra nî waku; we Ûrîa Mûtheru wa Isiraeli nîwe ûtûvete mûthamaki wetû.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 43:15

Nie nînie Ngai-Mûnene, ûrîa Mûtheru wenyu. Nînie naûmbire Isiraeli, na nînie Mûthamaki wenyu.”

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Hosea 10:3

Vîndî îo andû acio nîmakaauga atîrî: “Tûtirî na mûthamaki, nîûndû tûtiîtigagîra Ngai-Mûnene; nake mûthamaki agatwîkîra atîa?”

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Hosea 7:7

Andû onthe makanîtwe nî marakara ta makara njikorî, na makaûraga atongoria ao. Athamaki ao onthe nîmagûîte, na gûtirî wanarî ûmwe ûngîmvoya ûrekero.

Hosea 8:4

Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

1Sam 8:7

nake Ngai-Mûnene akîîra Samueli atîrî, “Îtîkîra maûndû monthe marîa andû magûkwîra, nîûndû we tîwe maregete. Nie nînie maregete nduîke mûthamaki wao.