Hosea 12:2 - ÎVUKU RÎA ÛVORO MWARO

² Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hosea 12:2 ပူးပေါင်းရင်းမြစ်များ

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

Ayubu 15:2

Mûndû mûûgî nwa arie ndeto itarî na mûvango, na aragie ûndû gûtarî?

Thaburi 78:36

Nwatî matiaragia maûndû ma ma, maûndû monthe marîa maamwîrire maarî ma maveeni.

Mûvunjia 5:15

Wata ûrîa mûndû aaciarirwe atarî na kîndû nwaguo agaacoka kûrîa aaumire atarî kîndû. Gûtirî kîndû wana kîmwe Kîam irîa acarîtie akaathiî nakîo.

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 59:18

Akaaverithia nthû ciake kûringana na ciîko ciao, akaaverithia nthû ciake na marakara, wana irîa irî mavûrûrirî ma kûraca.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Hosea 4:9

Nwatî kîrîa andû makanyita nwa kîo athînjîri-Ngai makaanyita, nîngamaverithia nîûndû wa njîra ciao. Ngamaverithia nîûndû wa maûndû marîa o ene mekîte.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Hosea 8:10

Wana ethîrwa nîmeyendetie kûrî andû a ndûrîrî, nie nîngaamaûngania wa rîmwe. Vîndî îo nîrîo makegua maûndû makîmaritûvîra marî rungu rwa mûthamaki ûrîa ûmavinyagîrîria.

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Hosea 8:9

nîûndû nîmaathiîre kûvoya ûtethio kûrî Asîria. Efiraimu îkariî ta nyûmbû îkîûrûra yonga; Efiraimu nîmwîendiu kûrî arata ake.

Hosea 9:15

Ngai-Mûnene arauga atîrî, “Nîûndû wa waganu wao ûrîa wambîrîrie Giligali; kûu nîkuo nambîrîrie kûmamena. Nîûndû wa maûndû marîa mekaga ma mevia, nîngamengata maume nyombarî yakwa. Nie ndikamenda rîngî. Atongoria ao onthe nî aregani

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Aroma 2:6

Nîûndû Ngai nîakaarîva wa mûndû kûringana na ciîko ciake.

Agal 6:7

Mûtikaveenue, Ngai ndanyûrûragua. Nîûndû mûndû agaaketha kîrîa avandaga.