Hosea 11:4 - ÎVUKU RÎA ÛVORO MWARO

⁴ Namatongoririe na ntha na wendo wata ûrîa mûciari ocaga wa mwana akamwiga ciande, nwata guo wananie namekire. Nie nakuamîrîrie na ngîmava gîa kûrîa.

Hosea 11:4 ပူးပေါင်းရင်းမြစ်များ

2Sam 7:14

Nîngaatuîka îthe, nake atuîke mûvîcîwa. Angîkaavîtia nîngaamûverithia wata ûrîa mwana averithagua nî îthe.

Thaburi 105:40

Nîmeetirie irio, na Ngai akîmatûmîra tûthirimûkû, akîmava irio nyîngî kuuma îgûrû.

Ntha 16:32

Nake Musa nîwaugire atîrî, “Ngai-Mûnene nîwathanîte twige maana mamwe nîguo njiarwa cietû cionage irio irîa aatûveere tûrîcage tûrî werûrî rîrîa aatûrutire vûrûri wa Misiri.”

Rwîmbo rwa Nyîmbo 1:4

Mboca tûthiî nawe na îvenya, tuîka mûthamaki wakwa na ûmvire gwaku mûciî. Tûgakenaga tûrî vamwe, tûgakumagia wendo waku gûkîra ndivei. Aka onthe nîmakwendete.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Alawi 26:13

Nie nînie Ngai-Mûnene, Ngai wenyu, ûrîa wamûrutire vûrûri wa Misiri nîguo mûtigatuîke ngombo ciao rîngî. Nînaamwovorire mînyororo îrîa mwovetwe nayo na ngîtûma mûthiîcage mûrî na wîyathi.”

Johana 12:32

Rîrîa ngaavirwa îgûrû nyume gûkû nthî, nîngaagucîrîria andû onthe kûrî nie.”

2Akor 5:14

Tue twathagwa nî wendo wa Kristû, nîûndû nîtûmenyete atî mûndû ûmwe nîwakwire nîûndû wa andû onthe. Kwoguo andû onthe nîmagaanaga gîkuû gîake.

Gûco 32:12

Ngai-Mûnene ke mwene nîke watongoririe andû ake, na gûtirî ngai îngî yamûtethererie.

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.