Hosea 10:14 - ÎVUKU RÎA ÛVORO MWARO

¹⁴ Kwoguo mûrurumo wa mbaara nîûgakinyîra andû aku; nthingo cionthe cia kwîgitîra nîikomomorwa ta ûrîa Shalimani aacûkangirie Betharibeli marî mbaararî, aka na ciana ciao magatinangua inuku.

Hosea 10:14 ပူးပေါင်းရင်းမြစ်များ

Kîam 32:11

Nakûthaitha ûmvonokie kuuma kûrî mûrûwaiya Esaû. Nînîretigîra atî avota gûka gûtûûraga tuonthe ciana wana aa ng'ina.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Atha 18:33

Kûrî vîndî wanarî îmwe ngai cia mavûrûri cianavonokia mavûrûri ma cio kuuma kûrî mûthamaki wa Asîria?

Isaia 17:3

Matûûra marîa magitîre ma Efiraimu nîmagaacûkangua, naguo ûthamaki wa Damesiki ûthire. Nao andû a Sîria arîa magaatigara marî mwoyo makaagîa na gîconoko ta andû a Isiraeli; nie Ngai-Mûnene mwene vinya wonthe nînie nauga ûguo.”

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Hosea 10:15

Ûguo nwa ta guo wana mue mûgekwa mue andû a Betheli, nîûndû wa mevia menyu manene. Gwakîa, mûthamaki wa Isiraeli nîagaacûkangua viû.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Mika 5:11

Nîngaacûkangia matûûra ma vûrûri wenyu, na nyomomore kûndû kwenyu gwa kwîgitîra.

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.

Nahumu 3:12

Kûndû gwaku kuonthe gwa kwîgitîra gûkethîrwa gwîkariî ta mîkûyû îrî mîtune; nwatî inainia mîkûyû wone, matunda mainainua magûcaga kanyuarî ka mûmarîi.

Habakuku 1:10

Nîmanyararaga athamaki, na makathekerera atongoria. Nîmathekagîrîra kûrîa kuonthe kûgitîre, na makamikîrîra nthingo icio na mûthetu na makainyita.