Hosea 10:13 - ÎVUKU RÎA ÛVORO MWARO

¹³ Nwatî mûvandîte maûndû macûku, mûraketha maûndû matarî na kîvooto; nîmûrîte matunda ma ûthani wenyu. We Isiraeli, wevokire vinya waku wenga, na wîngî wa athigari aku a mbaara.

Hosea 10:13 ပူးပေါင်းရင်းမြစ်များ

Ayubu 4:8

Nie nîmonete atî, arîa mavandaga mbeû ya maûndû macûku na waganu, nwacio makethaga.

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 52:7

“Taroriani, mûndû ûtevoka Mwathani arî mûgitîri wake, nwatî aaigire mwîvoko wake varî ûtonga wake mwîngî na akiga ûgitîri wake varî ûtonga wake.”

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 12:19

Ûma ûtûûraga tene na tene, nwatî maveeni mekaraga kavinda kanini.

Nthi 13:2

Mûndû mwaro anyitaga maûndû maro nîûndû wa ciugo irîa aragia, nwatî acukanîrîri meriragîria gwîka andû arîa engî naaî.

Nthi 19:5

Mûndû ûrîa ûrutaga ûira wa maveeni nîakaaverithua, na mûndû ûrîa waragia maveeni ndakaarekererua.

Nthi 22:8

Mûndû ûrîa ûtarûmagîrîra kîvooto nîanyitagwa nî thîna, na kûvinyanîrîria gwake nîgûkinyaga mûthiia.

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Isaia 17:11

Wana mwatûma îkûre mûthenya wa ûcio mwamîvanda, na mûtûme îrae kîraûko wa kîu mwamîvanda, wanarîo gûtikethîrwa na maciaro. Ûcio ûkethîrwa wî mûthenya wa kîeva na ruuo rûtangîthira.

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Hosea 7:3

Nîmakenagia mûthamaki na waganu wao, na magakenia atongoria na maveeni mao.

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

1Sam 24:14

Taroria mûndû ûrîa mûthamaki wa Isiraeli arenda kûraga! Nîûrîkû ûrûmîrîrîtie! Nî ngui îno nguû! Ûrûmîrîrîtie nthuua tu!