Hosea 1:4 - ÎVUKU RÎA ÛVORO MWARO

⁴ Nake Ngai-Mûnene nîwerire Hosea atîrî, “Tuîra kaana rîîtwa ûgeete Jezireeli, nîûndû nînîvarîrîtie kûverithia nyomba ya mûthamaki Jehu, nîûndû wa andû arîa aûragîre Kîamndarî Kîam Jezireeli na nthirie ûthamaki wa Isiraeli.

Hosea 1:4 ပူးပေါင်းရင်းမြစ်များ

2Atha 10:1

Ahabu aarî na anake mîrongo mûgwanja (70) arîa maatûûraga Samaria. Kwoguo Jehu nîwandîkire maarûa na agîitûma kûrî atongoria a îtûûra rînene rîa Samaria, kûrî atongoria a mîvîrîga, na kûrî andû arîa maamenyagîrîra anake a Ahabu. Maarûa îo yandîkîtwe atîrî,

2Atha 10:17

Rîrîa maakinyire Samaria, Jehu nîwaûragire andû onthe a nyomba ya Ahabu arîa maatigarîte. Eekire ûguo wata ûrîa Ngai-Mûnene aarîtie na njîra ya Elija.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 15:8

Mwakarî wa mîrongo îthatû na înana, Azaria arî mûthamaki wa Juda, Zakaria mûvîcî wa Jeroboamu nîwatuîkire mûthamaki wa Isiraeli, na nîwathanire arî Samaria îvinda rîa mîeri îtandatû.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 8:3

Nînacokire ngîmenyana na mûka wakwa kîîmwîrî, akîgîa îvu na agîciara kaana ga kavîcî. Nake Ngai-Mûnene nîwambîrire atîrî, “Gete ‘Maheri-shalali-hashibazi.’

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 20:3

Mûthenya ûcio wîngî kîraûko, Pashuri ovora Jeremia mvîngû, Jeremia nîwamwîrire atîrî, “Ngai-Mûnene ndagûcoka gûgwîta Pashuri, nwatî agawîtaga, ‘Guoya kûndû kuonthe.’

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Ezek 23:10

Andû acio nîmaamûrutire nguo agîtigwa arî njaga. Nîmaanyitire anake na erîtu ake, nake ke mwene makîmûraga na rûviû. Îvera rîrîa aagwatire nîrîatûmire atuîke wa kûthekagîrîrwa nî aka arîa engî.

Ezek 23:31

Nîwarûmîrîre mîthiîre îrîa yarî na mwarwanyûkwe, kwoguo gîkombe kîrîa aanyuîrîre nîkîo wanawe ûkanyuîrîra.”

Hosea 1:6

Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.

Hosea 2:22

Nayo nthî nîkaagîa na ngano, ndivei, na maguta ma mûtî wa mûtamaiyû. Nacio nîikaavingîria Jezireeli maavata make.

Hosea 9:17

Ngai wakwa nîakaaregana nao, nîûndû nîmaregete kûmûthikîrîria; nîmatûûra maûrûraga mavûrûrirî.

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 1:31

We nîûkûgîa îvu na ûciare mwana wa kavîcî ûrîa ûgatuîra rîîtwa Jesû.

Luka 1:63

Nake Zakaria nîwetirie rûvaû rwa kwandîkîra na akîandîka atîrî, “Rîîtwa rîake nî Johana.” Nao andû onthe makîmaka mûno.

Johana 1:42

Enderea nîwacokire akîvira Simoni kûrî Jesû. Nake Jesû nîwamûroririe na akîmwîra atîrî, “We nîwe Simoni, mûvîcî wa Johana nwatî kuuma rîu ûgeetagwa Kefa.” (Rîîtwa rîîrî na Kîngiriki nî Petero, na nî ûndû ûmwe na kuga “Îthiga.”)

Josh 19:18

Vûrûri wao wanyitîte matûûra ma Jezireeli, Kesulothu, Shunemu,