Hosea 1:10 - ÎVUKU RÎA ÛVORO MWARO

¹⁰ Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Hosea 1:10 ပူးပေါင်းရင်းမြစ်များ

Kîam 13:16

Nie nîngaatûma njiarwa ciaku ituîke nyîngî wata mûthetu wa nthî na gûtirî mûndû ûkaavota gûitara!

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 32:12

Nwatî we nîwambîrire atî nîûkaanthondekera maûndû makwa monthe, na atî nîûkaamva njiarwa nyîngî itangîtarîka ta mûthanga ûrîa ûrî rûtere rwa îria.”

2Sam 7:24

We nîûtuîte Aisiraeli andû aku we mwene tene na tene, nawe Ngai-Mûnene ûgatuîka Ngai wao.

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Isaia 48:19

Njiarwa ciaku ingîengîvîte ta mûthanga, ciana ciaku ingîengîvîte ta tûthiga twa mûthanga, rîîtwa rîao rîtikaathengutua kana rîcûkangua.”

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Isaia 65:1

Ngai-Mûnene arauga atîrî, “Nethagîrwa nîîvarîrîtie gûcokia mavoya ma andû akwa, nwatî matiamvoya. Nethagîrwa nîîvarîrîtie kwonwa nî arîa mataanjaragia, nwatî wana matiageria kûnjaria. Nie nerire rûrîrî rûrîa rûtamvoyaga atî: ‘Nîrî ava! Nîrî ava.’

Isaia 66:20

Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.

Jeremia 33:22

Wata ûrîa njata cia îgûrû na mûthanga ûrîa ûrî ndeererî cia îria ûtangîtarîka, nwa ta guo ngaatûma njiarwa cia Daudi na athînjîri-Ngai a mûvîrîga wa Lawi arîa mandungatagîra mongerereke.”

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Johana 1:12

Nwatî andû onthe arîa maamwamûkîre na makîmwîtîkia, nîwametîkîrie gûtuîka ciana cia Ngai.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Ahib 11:12

Wana ethîrwa Iburahimu aarî ta ûyû mûkuû, kuuma kûrî ke nîgwaciarirwe andû maarî eengî ta njata cia îgûrû kana ta mûthanga ûrîa ûtangîtarîka ûrî rûtere rwa îria.