Hagai 1:4 - ÎVUKU RÎA ÛVORO MWARO

⁴ “Nî vîndî yenyu ya gûtûûra nyombarî itumîtwe waro, wa rîrîa hekarû yakwa îromomoka?”

Hagai 1:4 ပူးပေါင်းရင်းမြစ်များ

2Sam 7:2

Mûthamaki nîwerire mûrathi Nathani atîrî, “Ta roria wone atî rîu mbîkaraga nyombarî îtumîtwe na mîtarakwe, nwatî îthandûkû rîa kîrîkanîro Kîam Ngai rigîtwe îgemarî!”

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

Thaburi 102:14

Ndungata ciaku nîciendete îtûûra rîu, wana ethîrwa nî rîomomoku, nîirarîguîra ntha wana ethîrwa nîrîcûkangu viû.

Thaburi 74:7

Nîmaavîvirie hekarû yaku na mwaki; na makîvaka mûgiro vandû varîa ûgoocagîrwa.

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Jeremia 22:14

Augaga atî: ‘Nîngûtuma nyomba nene, îrî na nyomba nene cia ngorova.’ Acokaga akamîkîra ndirica, na agakunîka nthingo ciayo na mbaû cia mîtarakwe, na akamîvaka rangi ndune.

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 26:6

nîngacoka mbîke hekarû îno ta ûrîa nekire Shilo, na nîngatûma îtûûra rîîrî rîtuîke kîrumi kûrî mavûrûri monthe ma nthî.’ ”

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 33:12

Ngai-Mûnene mwene vinya wonthe arauga atîrî, “Kûndû gûkû gûtarî andû kana nyamû cia kîthaka, matûûrarî ma kuo monthe nîgûgaatuîka kûndû kwaro gwa kûrîthia ng'ondu ciao.

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Maca 2:7

Ngai-Mûnene nîanyararîte metha yake ya kîgongoona, na akaregana na hekarû yake. Nîarekereretie nthingo cia nyomba cia athamaki ciomomorwe nî nthû, na nîmaanegenete mûno marî hekarûrî ya Ngai-Mûnene, ta înegene rîrîa rîthagîrwa marugarî.

Maca 4:1

Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Alawi 19:25

Nwatî mwakarî wa gatano, nwa mûrîe matunda marîa magaaciarwa. Mweka maûndû mau monthe, mîtî yenyu nîgaaciara matunda meengî makîria. Nie nînie Ngai-Mûnene, Ngai wenyu.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Hagai 1:3

Ngai-Mûnene nîwacokire akîva andû ndûmîrîri îno kûvîtûkîrîra kûrî mûrathi Hagai,

Hagai 1:5

Rîu Ngai-Mûnene mwene vinya wonthe arauga atîrî, “Îîcirieni kana mwîthîrîtwe mûgîka waro.

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Afil 2:21

Andû acio engî onthe methagîrwa makîrûmbûiya wa mûndû maûndû make. Gûtirî mûndû wîciragia gwîka ûrîa Jesû Kristû angîenda gwîkwe.