Gûco 9:9 - ÎVUKU RÎA ÛVORO MWARO

⁹ Rîrîa naaunûkirie kîrîmarî nîguo ngamûkîre ivengere cia îthiga irîa ciandîkîtwe kîrîkanîro kîrîa Ngai-Mûnene aarûthire namue, nînekarire kîrîmarî kîu mîthenya mîrongo îna, ûtukû na mûthenya ndakûrîa kana kûnyua kîndû.

Gûco 9:9 ပူးပေါင်းရင်းမြစ်များ

1Atha 19:8

Kwoguo Elija nîwaûkîrire, akîrîa na akînyua na irio icio nîciamwîkîrire vinya na akîthiî rûgendo rwa mîthenya mîrongo îna, ûtukû na mûthenya akîthiî Horebu, kîrîmarî Kîam Ngai.

2Atha 6:22

Nake Elisha nîwamûcokerie atîrî, “Naarî ndûkamaûrage, wana mûtikaûrage athigari arîa mûnyitîte. Marûmieni irio na mûmakundie kîndû gîa kûnyua, na mûmarekererie macoke kûrî mûthamaki wao.”

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 24:15

Nake Musa nîwaunûkirie kîrîmarî gîa Sinai na îtu rîgîgîkunîkîra.

Ntha 24:18

Musa nîwaunûkirie kîrîmarî na agîtonya ndaarî ya îtu, na agîkara kuo mîthenya mîrongo îna ûtukû na mûthenya.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Mathaayo 4:2

Nake Jesû nîwenyerekirie mîthenya mîrongo îna. Na kwoguo nîwavûtire mûno.

Agal 4:24

Maûndû mama maragua marî ngerekano, na aka aya aîrî marûngamîrîrîte irîkanîro igîrî. Hagari na nîke wagîrîre ciana ûkomborî agerekanîtue na kîrîkanîro kîrîa Kîamrûthîrwe kîrîmarî gîa Sinai.

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.

Gûco 9:11

Vuva wa mîthenya îo mîrongo îna, ûtukû na mûthenya, Ngai-Mûnene nîwamûvere ivengere icio igîrî cia îthiga irîa ciandîkîtwe kîrîkanîro.

Gûco 9:15

“Kwoguo nînagarûrûkire ngînyûrûrûka kuuma kîrîmarî nguuîte ivengere igîrî cia îthiga na njara irîa ciandîkîtwe kîrîkanîro. Nakîo kîrîma nwa gîakanaga mwaki.

Gûco 9:18

Nînaacokire ngîmama ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna, ûtukû na mûthenya, ndakûrîa kana nyua kîndû. Nekire ûguo nîûndû nîmwekîte mevia mbere ya Ngai-Mûnene na mûgîtûma arakare.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.