Gûco 9:4 - ÎVUKU RÎA ÛVORO MWARO

⁴ “Ngai-Mûnene arîkia kûmwîngatîra o, mûtikeîre na ngoro atî, Ngai-Mûnene aamûtethirie kwîgwatîra vûrûri ûyû nîûndû wa ûthingu wenyu. Nwatî Ngai-Mûnene nîamwîngatîra andû aya nîûndû wa waganu wao.

Gûco 9:4 ပူးပေါင်းရင်းမြစ်များ

Kîam 15:16

Njiarwa ciaku igaacooka gûkû irî rûciarorî rwa kana, na ndikeengata Aamori arîa matûûraga vûrûrirî ûyû nîûndû îvinda rîao rîa kûverithua rîtikethîrwa rîrî rîkinyu.”

Ezek 36:22

“Kwoguo îra nyomba ya Isiraeli Mwathani Ngai-Mûnene augîte atî, ûndû ûrîa nduîte gwîka tînîwîka nîguo mûgunîke nwatî nîwîka nîûndû wa kûva rîîtwa rîakwa rîtheru gîtîîo. Rîîtwa rîu nîmwatûmire rîcambue nî andû a ndûrîrî kûrîa kuonthe mwathiîcaga.

Ezek 36:32

We nyomba ya Isiraeli nîrenda ûmenye atî ndireka maûndû mama îthenya rîaku, nwatî nîreka ûguo nîguo ûgîe na gîconoko na gîcambî nîûndû wa mîthiîre yaku. Ûguo nîguo Mwathani Ngai-Mûnene augîte.”

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

Aroma 11:6

Ngai aamathuurire nîûndû wa wega wake nwa tî ûndû wa ciîko ciao. Nîûndû ethîrwa aamathuurîte nî ûndû wa ciîko ciao, wega ûcio wake ndûngîthîrwa ûrî wa ma.

1Akor 4:4

Nie ndiîcî ûndû wana ûmwe mûcûku mbîkîte, nwatî ûguo tî kuga atî nîrî mwagîrîru. Mwathani nîke ûnducagîra.

1Akor 4:7

Nû wagûtuire mûnene gûkîra arîa engî? Nîndûî ûrî nakîo ûtaavewa? Na ethîrwa nîkwa waveerwe, wîtîîaga nîkî takwa atarî kûvewa waveerwe?

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:5

Ngai-Mûnene Ngai wenyu nîamwîtîkîria mwoce vûrûri wao tî nîûndû wa ûrîa mûrî athingu kana mwîkaga maûndû maro, nwatî nîamengata nîûndû nî aganu, na nîguo avingie kîrîkanîro kîrîa eerîre methe menyu na Iburahimu, Isaka na Jakovu na mwîvîtwa.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

2Tim 1:9

Ke nîke watûvonokirie na agîtwîta tûtuîke andû ake. Ndaatwîkire ûguo nîûndû wa ûrîa twekîte waro, nwatî nîûndû wa kwenda gwake na wega wake. Ngai aatûveere wega ûcio na njîra ya Jesû Kristû mbere ya îvinda rîkinya.