Gûco 9:3 - ÎVUKU RÎA ÛVORO MWARO

³ Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Gûco 9:3 ပူးပေါင်းရင်းမြစ်များ

Ntha 23:23

Mûraika wakwa nîakaamûtongoria amûkinyie mavûrûrirî ma Amori, Ahiti, Aperizi, Akanaani, Ahivi, na Ajebusi nanie nîngaamathiria.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Isaia 30:27

Taroriani, Ngai-Mûnene nîaûkîte aumîte kûndû kûraca, atûmbîtwe nî marakara na arî ndogorî ndumanu îkiunûkagia; mîromo yake îcûrîtwe nî mang'ûrîka, naruo rûrîmî rwake rwîkariî ta mwaki ûrîa ûvîvagia viû.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Mika 2:13

Ngai nîakaamavingûrîra njîra na amatongorie maume îthamîriorî. Nao nîmakaauna kîvingo gîa îtûûra na maume nja, matongoreretue nî mûthamaki wao; Ngai-Mûnene ke mwene nîke ûkaamatongoria.

Mathaayo 15:10

Nake Jesû nîwacokire agîîta andû mathiî kûrî ke na akîmeera atîrî, “Tathikîrîriani na mûtaûkîrwe!

Maariko 7:14

Jesû nîwacokire agîîta andû mathiî varî ke rîngî na akîmeera atîrî, “Tanthikîrîriani muonthe na mûtaûkîrwe.

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Aefeso 5:17

Kwoguo tigagani gûtuîka irimû. Nwatî geragiani kûmenya ûrîa Mwathani endaga mwîke.

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Gûco 20:4

Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Gûco 7:22

Ngai-Mûnene, Ngai wenyu nîakaamwîngatîra andû arîa marî mavûrûri marîa mûgaatonya kavora wa kavora. Mûtikamengate onthe wa rîmwe, nîûndû mweka guo nyamû cia kîthaka nîikengîva na imûtoorie.

Gûco 9:6

Kwoguo menyani atî Ngai-Mûnene Ngai wenyu ndaramûva vûrûri ûyû mwaro ûguo nîûndû wa ûthingu wenyu, nîûndû mue mûrî andû aremi.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Josh 14:12

Kwoguo ngaîra vûrûri ûyû ûrî irîma ûrîa Ngai-Mûnene aambîrîre mûthenya ûcio twamwindîre ûvoro. Mûthenya ûcio twamwîrire atî andû arîa metagwa Anaki maatûûraga matûûrarî manene na mairigîre. Ngai-Mûnene nî akûndethia na nie nîngûmengata maume kuo wata ûrîa ke aaugire.”

Josh 3:11

Taroriani, îthandûkû rîa kîrîkanîro Kîam Mwathani wa nthî yonthe rîkaaringa rûnjî rwa Jorodani,

Josh 3:14

Rîrîa andû a Isiraeli maaumire varîa maambîte magema mao, athînjîri-Ngai arîa maakuuîte îthandûkû rîa kîrîkanîro maarî mbere yao.

Atir 4:14

Debora nîwacokire akîra Baraki atîrî, “Thiî! Ngai-Mûnene nîagûgûtongoria! Ûmûnthî nîagûkûvotithia kûvoota Sisera.” Kwoguo Baraki nîwaumire kîrîmarî gîa Taboru arûmîrîrîtwe nî andû acio ngiri îkûmi.