Gûco 9:26 - ÎVUKU RÎA ÛVORO MWARO

²⁶ Nînavoire Ngai-Mûnene ngîmwîra atîrî, ‘Ûûi Ngai-Mûnene Ngai, ndûgacûkangie andû aku arîa wakûûrire na ûkîmaruta Misiri na vinya waku mûnene.

Gûco 9:26 ပူးပေါင်းရင်းမြစ်များ

2Sam 7:23

Gûtirî andû engî gûkû nthî mekariî ta Aisiraeli, arîa wakûûrire kuuma ûkomborî na ûkîmatua andû aku. Maûndû manene na ma magegania marîa wekire nîûndû wao matûmîte ngumo yaku îtambe nthî yonthe. Nîwengatire ndûrîrî irîa ciîngî wa vamwe na ngai ciacio kuuma kûrîa kuonthe andû aku maavîtûkagîrîra, andû wa acio wakûûrîte kuuma Misiri na magatuîka andû aku.

1Atha 8:51

Acio nî andû aku, na nî îgai rîaku, arîa warutire Misiri, kûrîa kwaviûvîte ta mwaki wa kûrarûra cuuma.

1Atha 8:53

We nîwe wamathuurire kuuma kûrî andû onthe a gûkû nthî nîguo matuîke îgai rîaku, wata ûrîa waririe na njîra ya Musa, ndungata yaku rîrîa we Mwathani, Ngai-Mûnene warutire methe metû Misiri.”

Nehemia 1:10

“Ngai-Mûnene, andû aya nî aku na nî ndungata ciaku. Wamakûûrire na vinya na ûvoti waku mûnene.

Thaburi 106:23

Ngai nîangîathiririe andû ake, tiga nî Musa, ndungata îrîa aathuurîte waririe nake, na akîrigîrîria ndakamathirie nîûndû wa marakara make.

Thaburi 107:2

Tiga arîa makûûrîtwe nî Ngai-Mûnene mauge guo, arîa avonoketie kuuma thînarî,

Thaburi 28:9

Vonokia andû aku, Ngai-Mûnene, na ûrathime andû aku. Tuîka mûrîthi wao, na ûtûûre ûmamenyagîrîra tene na tene.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Thaburi 77:15

Nîwakûûrire andû aku na vinya waku, njiarwa cia Jakovu na Josefu.

Thaburi 78:35

Nîmaririkanaga atî Ngai nîke ûmagitagîra, Ngai ûrîa ûrî Îgûrû Mûno nîke ûmavonokagia.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 15:13

Na ûndû wa wendo waku ûtathiraga, nîwatongoririe andû arîa we wakûûrîte; na njîra ya vinya waku nîwamonererie kûrîa we wamûrîte.

Ntha 33:13

Rîu, ethîrwa ûrî mûkenie nînie, nakûthaitha ûmenyethie ûrîa mîvango yaku îkariî nîguo ngûmenye na ngûkenie makîria. Ririkana atî ûthuurîte rûrîrî rûrû rûtuîke andû aku.”

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Jeremia 14:21

Nîûndû wa rîîtwa rîaku ndûgatûtiganîrie, ndûkananyararithie gîtî gîaku Kîam ûthamaki, ririkana kîrîkanîro gîaku na andû a Isiraeli.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 21:8

We Ngai-Mûnene twakûthaitha wovere andû aku Aisiraeli arîa wakûûrire kuuma Misiri. Twovere na ndûgatue atî nîtue tûragîte mûndû ûtarî na mavîtia.’

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.

Gûco 9:12

“Ngai-Mûnene nîwacokire akîmbîra atîrî, ‘Ûkîra na ûnyûrûrûke ume gûkû kîrîmarî narua, nîûndû andû aku arîa warutire Misiri nîmekîte ûndû mûcûku; nîmatigîte wa rîmwe kûrûmîrîra mawatho marîa namaathire na nîmerûthîrîte mûvuanano.’

Gûco 9:27

Ndûkarorie ûremi, waganu kana wîvia wa andû aya, nwatî ûririkane ndungata ciaku Iburahimu, Isaka na Jakovu.

Gûco 9:29

Nwatî Ngai-Mûnene, aya nî andû aku arîa wathuurire matuîke aku kîûmbe na ûkîmaruta ûkomborî Misiri na vinya na ûvoti waku mûnene.’

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

1Sam 7:9

Samueli nîwocire kagondu kanini gakîongaga na agîkaruta karî îtega rîa kûvîvua kûrî Ngai-Mûnene karî kagima. Nîwacokire akîvoera Aisiraeli kûrî Ngai-Mûnene, na Ngai-Mûnene agîcokia mavoya make.