Gûco 9:24 - ÎVUKU RÎA ÛVORO MWARO

²⁴ Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:24 ပူးပေါင်းရင်းမြစ်များ

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ntha 32:22

Aroni nîwamûcokerie atîrî, “Tiga kûrakara nînie mwathi wakwa. Nîwicî we mwene ûrîa andû aya mendete gwîka naaî.

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Ndari 14:9

Kwoguo mûtikaregane na Ngai-Mûnene na mûtigetigîre andû arîa marî vûrûrirî ûcio. Nîtûmataguna ta mûgate. Kîrîa kîmagitagîra nîkîthengutie kûrî o. Ngai-Mûnene arî vamwe natue, mûtikametigîre.”

Ndari 17:10

Nake Ngai-Mûnene nîwerire Musa atîrî, “Cokia mûragi wa Aroni na ûwige vau mbere ya îthandûkû rîa kîrîkanîro. Naguo ûkethagîrwa ûrî wa gûkaania andû a Isiraeli arîa magûkararagia atî marega gûtiga gûteta nîmagaakua.”

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Ndari 32:14

Namue rûciaro rwa evia, nîmûkinyîte varîa methe menyu maarî, mûgatûma marakara ma Ngai-Mûnene kûrî Aisiraeli mongerereke!

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 9:4

“Ngai-Mûnene arîkia kûmwîngatîra o, mûtikeîre na ngoro atî, Ngai-Mûnene aamûtethirie kwîgwatîra vûrûri ûyû nîûndû wa ûthingu wenyu. Nwatî Ngai-Mûnene nîamwîngatîra andû aya nîûndû wa waganu wao.