Gûco 9:19 - ÎVUKU RÎA ÛVORO MWARO

¹⁹ Nînetigagîra marakara na mang'ûrîka marîa Ngai-Mûnene aarî namo nîûndû wenyu marîa mangîatûmire amûthiria. Nwatî Ngai-Mûnene nîwanthikîrîrie wa rîngî.

Gûco 9:19 ပူးပေါင်းရင်းမြစ်များ

Thaburi 106:19

Nîmaarûthire karegwa marî kîrîmarî gîa Sinai, na makîgooca mûvuanano ûcio.

Thaburi 106:23

Ngai nîangîathiririe andû ake, tiga nî Musa, ndungata îrîa aathuurîte waririe nake, na akîrigîrîria ndakamathirie nîûndû wa marakara make.

Thaburi 78:59

Rîrîa Ngai oonire maûndû mau nîwarakarire mûno, kwoguo nîwaregire andû a Isiraeli viû.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 32:14

Kwoguo Ngai-Mûnene nîwagarûrire meciria make na ndaaretera andû ake mûthiro ûrîa endeete kûmaretera.

Ntha 33:17

Nake Ngai-Mûnene nîwerire Musa atîrî, “Ûguo wambûria nîguo ngwîka, nîûndû nîrî mûkenie nîwe na nîngwicî waro.”

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Ndari 11:2

Andû nîmaarîrîre Musa, na rîrîa Musa aavoire Ngai-Mûnene mwaki nîwavorire.

Gûco 10:10

“Nînekarire kîrîmarî îvinda rîa mîthenya mîrongo îna, ûtukû na mûthenya wata ûrîa nekîte mbere. Ngai-Mûnene nîwanthikîrîrie rîngî na akîrega kûmûthiria.

Gûco 11:17

Mûngîkaagooca ngai ciîngî, Ngai-Mûnene nîakaarakara nîmue na atige kuurithia mbura na mîgûnda yenyu îng'aare na îtige kuuma kîndû. Nîmûgaacoka mûkuîre kuo narua, wana ethîrwa vûrûri ûcio Ngai-Mûnene akûmûva nî mwaro.

Gûco 9:20

Ngai-Mûnene aarî mûrakaru mûno nî Aroni na nîwevarîrîtie kûmûûraga, kwoguo vîndî wa îo nînavoere Aroni.

Gûco 9:8

Wana tûrî kîrîmarî gîa Sinai, nîmwatûmire Ngai-Mûnene anyitwe nî marakara mangîatûmire amûthirie.

Ahib 12:21

Ûrîa andû moonire nîwatûmire manyitwe nî guoya mûno, nake Musa nîwaugire atîrî, “Nînîrainaina na ngetigîra!”