Gûco 7:7 - ÎVUKU RÎA ÛVORO MWARO

⁷ “Ngai-Mûnene ndaamwendire na akîmûthuura nîûndû wa ûrîa mwarî eengî gûkîra andû a mavûrûri marîa mengî, nama mwarî anini mûno gûkîra mavûrûri marîa mengî ma nthî.

Gûco 7:7 ပူးပေါင်းရင်းမြစ်များ

1Maû 16:19

Vîndî îo andû a Ngai matiarî eengî, maarî ageni vûrûrirî wa Kanaani.

Thaburi 105:12

Vîndî îo andû a Ngai maarî anini, matiarî na îgweta, na maarî ageni vûrûrirî wa Kanaani.

Thaburi 105:6

Mue njiarwa cia Iburahimu ndungata yake, mue njiarwa cia Jakovu, andû arîa athuurîte!

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Ezek 20:5

Meere Ngai-Mûnene augîte atî, mûthenya ûrîa nie naathuurire andû a Isiraeli nîneranîre na mwîvîtwa kûrî njiarwa cia Jakovu na ngîîmenyithania kûrî o marî vûrûrirî wa Misiri. Nevîtire kûrî o ngiuga atî nie nînie Ngai-Mûnene Ngai wenyu.

Ezek 36:22

“Kwoguo îra nyomba ya Isiraeli Mwathani Ngai-Mûnene augîte atî, ûndû ûrîa nduîte gwîka tînîwîka nîguo mûgunîke nwatî nîwîka nîûndû wa kûva rîîtwa rîakwa rîtheru gîtîîo. Rîîtwa rîu nîmwatûmire rîcambue nî andû a ndûrîrî kûrîa kuonthe mwathiîcaga.

Mathaayo 7:14

Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Aroma 11:6

Ngai aamathuurire nîûndû wa wega wake nwa tî ûndû wa ciîko ciao. Nîûndû ethîrwa aamathuurîte nî ûndû wa ciîko ciao, wega ûcio wake ndûngîthîrwa ûrî wa ma.

Aroma 9:18

Kwoguo Ngai nîegucagîra ntha ûrîa enda kwîguîra, na ûrîa enda kûmia ngoro nîamûûmagia.

Aroma 9:21

Mûmbi wa nyûngû ethagîrwa arî na ûvoti wa kûmba wa kîrîa kîonthe akwenda kûmba na yûmba rîake. Avota kûmba nyûngû igîrî kuuma yûmbarî rîmwe; îmwe îrî ya gûtûmîrwa na njîra ya mwanya na îo îngî ya gûtûmîrwa vîndî cionthe.

Gûco 1:10

Ngai-Mûnene, Ngai wenyu nîatûmîte mwîngîve ta njata cia îgûrû.

Gûco 10:22

Methe menyu arîa maathiîre Misiri onthe maarî mîrongo mûgwanja. Nwatî rîu, Ngai-Mûnene Ngai wenyu nîatûmîte mwîngîve ta njata cia matuurî.

Gûco 14:2

Mue mûrî andû atheru a Ngai-Mûnene Ngai wenyu, na amwamûrîte gatagatîrî ka mavûrûri marîa mengî monthe ma nthî nîguo mûtuîke andû ake kîûmbe.

Gûco 4:37

Ngai-Mûnene nîwendete methe menyu; kwoguo nîwamûthuurire kuuma kûrî njiarwa ciao na akîmûruta Misiri na vinya wake mûnene.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.