Gûco 7:3 - ÎVUKU RÎA ÛVORO MWARO

³ Mûtikavikanie nao: mûtikareke erîtu enyu mavikua nî anake ao kana mûreka anake enyu mavikia erîtu ao,

Gûco 7:3 ပူးပေါင်းရင်းမြစ်များ

Kîam 24:3

Nîrenda wîvîte na rîîtwa rîa Ngai-Mûnene, Ngai wa îgûrû na nthî uuge, atî ndûgaacarîria mûvîcîwa mûndûmûka kuuma kûrî aarî a Kanaani arîa ndûûranagia nao.

1Atha 11:2

Ngai-Mûnene nîwathîte Aisiraeli atî matikavikie aka a kuuma mavûrûrirî mau kana arûme a mavûrûri mau mavikia erîtu a Isiraeli, nîûndû nwa matûme andû a Isiraeli mathîkagîre ngai ciao. Nwatî Solomoni nîwavikirie aka kuuma mavûrûrirî mau.

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

Ezira 10:3

Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Nehemia 10:30

Nîmaaugire atî matikaanenganîra erîtu ao mavikua nî anake a andû arîa matûûraga vûrûri ûcio, kana metîkîra anake ao mavikia erîtu a andû acio.

Atir 14:3

Nwatî îthe na ng'ina nîmaamûririe atîrî, “Ûrenda kûvikia mûndûmûka kuuma kûrî Afilisiti arîa matarî aruu nîkî? Nîkwa ûtangîthuura mûndûmûka kuuma kûrî andû a mbarî yetû, kana gatagatîrî ka andû etû onthe?” Nwatî Samusoni nîwerire îthe na ng'ina atîrî, “Nîrenda mûngîrîre ûcio nîûndû nîke mendete mûno.”